Vasudevhindi Part 1

Author(s): Sanghdas Gani, Chaturvijay, Punyavijay
Publisher: Atmanand Jain Sabha

Page 141

वसुदेवहिंडीए [वसुदेवेण गंधवदत्तापरिणयणं ___जं च गीयं विण्हुकुमारनिस्सियं देव-गंधव मुहुग्गयमवधारियं विजाहरेहिं, त पहाणेसु रायकुलेसु धरेइ. तं च मया सामलीए समीवे वट्टमाणेण पुवसिक्खियं गीइयं सत्तसरतंतीयं वीणापरिचियाए. तं में परिकहियं विण्हुगीइयं ॥
तओ तं विण्हुगीइयं गंधवदत्ता अहं च वीणं छिवित्ता गंधारग्गाममुच्छणाए पगीया 5मो रत्तं तिहाणकरणसुद्धं ताल-लयगहसमं । अवसाणे गीयस्स घुटुं नागरेहिं-अहो! समं सुकुमालं च वाइयं गीयं च त्ति । ततो पुच्छिया परिओसविसप्पियमुहेण सेट्ठिणा तम्मि अहिगारे निउत्ता आयरिया-केरिसं गीयं वाइयं च ? त्ति । ततो तेहिं भणियं-जं अज दुहियाए गीयं तं वाइयं पडुजाइणा, जं गीयं पडुजाइणा तं वाइयं अज दुहियाए त्ति । ततो उसारिया अभितरजवणिया। भणियं नायरएहिं-ठिओ दाणिं संघसो, खीणो 10 ऊसवो नयरस्स, नियत्तो वीणावावारो, पत्ता भत्तारं गंधव्वदत्ता । ततो गायरा सेट्टिणा
परेण सक्कारेण पूइत्ता विसज्जिया ।। ... अहं चारुदत्तेणं भणिओ-तुब्भेहिं दिवेहिं पुरिसक्कारेणं लद्धा दारिया गंधवदत्ता. एईसे दाणिं अविग्घेणं पाणिं गेण्हह. एसा लोगसुई-माणस किल चत्तारि भारियाओमाहणी खत्तिणी वइसी सुदि त्ति. 'एसा पुण भे अणुरूवा भारिया, कारणओ पुण विसिहतरी 15 व होज' तकेमि । ततो मे चिंता समुप्पण्णा-केण मण्णे कारणेण भणियं सेट्टिणा 'इमा विसिहा दारिय' त्ति? । पवेसिओ य म्हि अभितरि, उवट्ठियाओ पडिकम्मकारिगाओ, ताहिं मे कयं रायाणुरूवं पडिकम्म, दिण्णाणि अहयाणि वत्थाणि, तओ म्हि परिहिओ, कयाणि य वरकोउगाणि, आगओ मि बुड्डजणपरिवारो चाउरंतगं आकुलं बंधुवग्गेण सेट्ठि
स्स । पसंसइ मं इत्थियाजणो-जइ वि चिरस्स लद्धो वरो गंधवदत्ताए तो वि अणुरूवो, 20 अहवा निरुवमरूवो कामदेवो एसो त्ति । ततो मे आणीया गंधवदत्ता सरस्सती विव
रूववती, तरुणरविमंडलप्पहासा, कुंडलजुयलप्पभाणुलित्तनयणलोभणवयणकमला, महानिवेसनिरंतरहारपरिणद्धतालफलाणुकारिपओहरा, पओहरभरविलसमाणवलिसोहियतणुयमज्झा, पउमिणिपलासपिहुल-मंसलसोणिफलगा, पउमपत्तसुकुमाल-सहिय-पीवरोरू, पउमतंतुकळावमउयभूसणुजलमणहरतरहत्थकिसलयबाहुलइया, पासत्तसणाहगूढसिरजंघदेसा, 25 सरससररुहकोमलपसत्थचलणा, समदललितकलहंसगमणा । अण्णिजमाणी इव लज्जाए पासे य मे कया अम्मगाहिं लच्छी इव कुबेरस्स । भणियं च सेट्ठिणा-सामी! किं तुम्भं कुलगोत्तेण? हुबउ हुयवहो उदाहो दारिगा य त्ति । ततो मया चिंतियं—एसा इन्भदुहिया, केण मण्णे कारणेण सेट्ठी एवं भासइ ? त्ति । मया विम्यं काऊण भणिओ-एत्थ कारणे
तुमे पमाणं । ततो सो गहियाकारो ममं भणइ-सामि! कहिस्सं भे कारणं, जेणेत्थ मया 30विण्णविया. आभरणथाणमपत्तं रयणं विणासियं होइ । तओ विहिणा हुओ हुयवहो । गा
१गीययं शां० । एवमग्रेऽपि ॥ २ °त्तरसतं. शां० ॥ ३ भो ली ३ विना ॥ ४ ओसा° शां० ॥ ५ 'तरं शां० ॥ ६ मज्झं भ° शां० ॥