Tilakmanjarisara

Author(s): Pallipal Dhanpal, N M Kansara
Publisher: L D Indology Ahmedabad

Page 57

श्रीपल्लीपालवंशीयधनपालविरचितः पुनः श्रीः स्माह मत्पार्श्व सौम्य! एव निषेवते । नासौ निशाचरः किन्तु द्वाःस्थो ममें महोदरः ॥९५॥ एषा विभीषिकाऽनेन कृता सत्त्वं तवेक्षितुम् । मुक्त्वा कदाग्रहं तेन प्रार्थय स्वार्थमीप्सितम् ॥१६॥ सोऽपि नत्वाऽवदद् देवि! वंश्यानां मामपश्चिमम् । कुरु वीरप्रसूनां च प्रथमां मदिरावतीम् ॥९७॥ सप्रसादाऽवदत् पद्मा नचिरात् ते भविष्यति । आर्त्तत्राणपरः कीर्तिपवित्रितजगत्त्रयः ॥९८॥ भूपालमौलिमाणिक्यशोणितांहिनखावलिः । निखातविजयस्तम्भश्चतुरम्भोधिसीमनि ॥९९।। विजितारिवधूधौतशुद्धान्तस्त्रीपदाम्बुजः । भोक्ता निखिलभूपाल-खेचराधिपराज्ययोः ॥१०॥ उद्भूतचामरः 'क्लप्तदेह द्वितयया मया । कलाकलापनिष्णातः प्रतापवसतिः सुतः ॥१०१॥ कलापकम् । चन्द्रातपोऽयं हारश्च सर्वविघ्नापहारकः । मया दत्तस्तवाऽर्थोऽसौ स्वागजस्यैव यौवने ॥१०२॥ विधेयः सविधे चास्य दुर्गारण्यरणादिषु । अनुजानीहि गन्ताऽस्मि स्वपमहदसमनि ॥१०३॥ इत्युक्त्वा ख्यातमाहात्म्यं निजं बालारुणाभिधम् । रत्नाङ्गुलीयकं चास्मै दत्त्वा देवी तिरोदधे ॥१०४॥ . कोणैकदेशेऽनुचरैः पूर्वमेव प्रकल्पितम् । सविस्मयः क्षण स्थित्वा कुशतल्पमगान्नृपः ॥१०५॥ तत्रात्मानं करगतजगद्वैभवं मन्यमानो
हारन्यासे त्रिदशगदितान्यूहमानो मृदूनि । तोषालापान्मुदितकमलान् कोमलान् गाहमानः
सानन्दस्तां रजनिमनयत् कोशलक्षोणिपालः ॥१०६॥ इति [श्रीतिलकमञ्जरीसारे ] लक्ष्मीप्रसादनो नाम प्रथमो विश्रामः
___ (इति प्रथमं प्रयाणकम् )। १म-। २ माएण । ३ चूं। १ ।