Sudansana Chariyam

Author(s): Umangvijay Gani
Publisher: Pushpchandra Kshemchandra Shah

Page 228

सुदंसणाचरियम्मि
॥ १०४ ॥
रयणत्तय
ठिए नरवर ! परलोगहियं करिज्ज लहुं ॥ ८१४|| एवं सोऊण निवो सुण्णो वुण्णो विवण्णलायण्णो । अप्पमहण्णंमण्णो विसायविच्छायकायरुई ||८१५॥ अंसुजलाविलनयणो सोयानल म्हफुरियसेयभरो । लग्गो खणेण विलिडं अपक्ककुंभुब जल- स्सरूवप्पभरिओ ||८१६ ॥ भवभयकंपंततणू अत्थाणठिओ समुट्ठि सहसा । तं चैव सयंबुद्धं कयंजली सरणमणुपत्तो ॥ ८१७॥ भणइ सयंबुद्ध ! कहं हो हिस्समहं जमित्तियं कालं । विसयकसायपरवसो पवत्तिओ पावकज्जेसु ॥ ८१८॥
किंच - चउरंगो जिणधम्मो न कओ चउरंगसरणमवि न कयं । चउरंगभवच्छेओ न कओ हा ! हारिओ जम्मो ॥ ८१९ ॥ इण्हि तु आउसे से अप्पतरे कहमहं करिस्सामि ? | मणयं पि परतहियं धीर ! सयंबुद्ध ! कहसु तुमं ॥ ८२०|| अह भणइ सयंबुद्धो सामिय! मा भाहि धरसु धीरतं । धण्णोऽसि तुमं इव्हि पि जस्स जाया मई एसा ॥ ८२१ ॥ बहुभवकथं पि | कम्मं जं खिवइ चरित्तमप्पकालं पि । चिरसंचिइंधणभरं खणेण निद्दहइ जह जलणो ॥ ८२२॥ एगदिवसं पि जीवो पवज्जमुवागओ अणण्णमणो । जइवि न पावइ मुक्खं अवस्सं वेमाणिओ होइ ||८२३|| अच्छउ ता एगदिणं अंतमुहुत्तं पि चारुचरणजुओ । खवइ असंखिजभवऽज्जियं पि जीवो बहुकम्मं ॥ ८२४ ॥ कइया वि दवचरणं विणा वि कस्सइ विशुद्धभावस्स । जायइ भावचरितं तस्स य एयारिसं विरियं ॥८२५|| सबजियाण वि कम्माइ खबइ एगो वि खवगसेढिगओ । जइ तेसिं कम्माणं तज्झाणे होइ संकंती ॥ ८२६|| सुइरं पि चरित्तविणा न दिंति नाणं च दंसणं च सिवं । वरचारित्तजुयाइं खणेण | ताई सिवफलाई ॥८२७॥ एएण विणा तेहिं असंखभवपाविएहि वि न मुक्खो । सो पुण चरणजुएहिं अट्ठभवभंतरे नियमा | ॥ ८२८ ॥ चरणस्स होइ भयणा दंसणनाणाण नूण लाभे वि । चारित्तसंभवे पुण नियमा इयराण संपत्ती ॥८२९|| ता देव !
रूवग नाम
दिसमुद्देसो ।
॥ १०४ ॥