Sudansana Chariyam

Author(s): Umangvijay Gani
Publisher: Pushpchandra Kshemchandra Shah

Page 273

तत्थेसाणदिसाए सव्वोउयपुप्फफलतरुसमिद्धं । कुट्ठगणामुजाणं समत्थि सउणाण कयहरिसं ॥५२॥ तत्थ य जयघोसणिवो जयलच्छी वसइ जस्स वच्छयले । पबलप्पयावमंतप्पभावविवसा सया णयरे ॥५३॥ तस्सऽथि महादेवी जयावली जीइ णिययरूवेण । विजियाउ व अमरीओ लज्जाइ न दंसणं दिति ॥५४॥ तीइ णयरीइ णिवसइ णयविणयपरो परोवयारकरो। सिट्ठी सुणंदणामा सुसावओ इड्डिमंतो य ॥५५॥ णिम्मलसीला वररूवधारिणी धारिणी पिया तस्स । जिणधम्मकम्मणिरया इक्कारस ताण वरपुत्ता ॥५६॥ अह अण्णया कयाई सुरणरखयरिंदणमियकमकमलो । सिरिपासजिणवरिंदो समोसढो कुट्ठगुज्जाणे ॥५७॥ सिरिपासजिणागमणं जयघोसणरेसरो णिसुणिऊणं । हरिसियहियओ जाओ सिहित्व घणगजियणिणायं ॥५८॥ पहुपायपउमपणमणपउणो पुहईपहू पमोयपरो । संपत्तो तत्थ वणे सुणंदपमुहो य पउरजणो ॥५९॥ तिपयाहिणी करेउं विहिणा वंदित्तु पासजिणणाहं । उचियट्ठाणणिविट्ठा सुणंति सधे वि इय धम्मं ॥६०॥ माणुस्सखित्तमाई सुदुल्लहं लहिय सबसामग्गिं । सग्गापवग्गसुहसाहगम्मि उजमह जिणधम्मे ॥६॥ इत्थंतरम्मि पुणरवि सुणंदसिट्ठी णमित्तु भुवणगुरुं । भत्तिभरणिब्भरंगो कयंजली विण्णवइ एवं ॥६२॥ सामि! मए उसभाईसेयंसंताणि णामधेयाणि । जिणणामसुमरणत्थं कयाणि पुत्ताणमेएसिं ॥६॥ सुकुलुब्भवाण तह सोयराण सायरसुसिक्खियाणं पि । सामिय! विलक्खणत्तं पुत्ताणमिमाण सवेसिं ॥६४॥ । तंजहा-जिट्ठो कुरूवदेहो बीओ पुण सुरहिकमलणीसासो । तइओ य वित्तहारी चउत्थओ परमसोहग्गो ॥६५॥ |पंचमओ अइधिट्ठो छट्टो थोवे वि देहवायामे । अत्थोवजणकारी सत्तमओ पइखणं छुहिओ ॥६६॥ अट्टमओ मिउ
KAKARSANKREASES
सुदंस०२२/