Book Title: Shastra Sandesh Mala Part 06
Author(s): Vinayrakshitvijay
Publisher: Shastra Sandesh Mala
________________ छव्वाससयाई णवुत्तराई, तइआ सिद्धिं गयस्स वीरस्स। तो बोडिआण दिट्ठि, रहवीरपुरे समुप्पण्णा // 23 // रहवीरपुरं णयरं, दीवगमुज्जाण अज्जकण्हे य। सिवभूइस्सुवहिम्मि य, पुच्छा थेराण कहणा य // 24 // सुकंबरा य समणा, णिरंबरा मज्झ धाउरत्ताई। हुंतु अ मे वत्थाई, अरिहोमि कसायकलुसमई // 25 // तेणिह समणा दुविहा, कहिआ ते थेरकप्पजिणकप्पा / जिणकप्पो वुच्छिनो, जम्बूनिव्वाणसमयम्मि . // 26 // संपइ अ थेरकप्पो, सज्झो आहारवत्थमाईहिं / णहि सामग्गिअभावा, कज्जं संपज्जए किंचि // 27 // इच्चाइ अ णिज्जुत्तिपमुहवयणेहिं दूसिओ खमणो। तित्थं व तेण (मओ) तेणं, मूलाओ आगमो चइओ // 28 // धम्मोवगरणमित्तं, परिग्गहो ता सुवण्णजिणपडिमा / परिमिअपरिग्गहम्मि, जइ हुज्जा देसविरईणं // 29 // अह जे परूवणाए, उम्मग्गा ते अ मग्गपडिवक्खा / चंदप्पहाइहितो, संजाया लोअविक्खाया // 30 // महुराए जिणदासो, इच्चाइआ णिगमस्स णिज्जुत्ती। तीए चउदसिमग्गो, उम्मग्गो पुण्णिमापक्खो // 31 // अह बीया वरवरिआ, णिग्गमदारस्स होइ णिज्जुत्ती / तीए वि दारगाहा, सभासिआ सा इमा होइ // 32 // णिव्वाणं चिइगागिइ, जिणस्स इक्खाग सेसगाणं च। . सकहा थूभ जिणहरे, जायग तेणाहिअग्गि त्ति // 33 // थूभसय भाउआणं, चउवीसं चेव जिणहरे कासी। सव्वजिणाणं पडिमा, वण्णपमाणेहिं णिअएहिं / // 34 // 254
Page Navigation
1 ... 261 262 263 264 265 266 267 268 269 270 271 272 273 274 275 276 277 278 279 280 281 282 283 284 285 286 287 288 289 290 291 292 293 294 295 296 297 298 299 300 301 302 303 304 305 306 307 308 309 310 311 312 313 314