Shantinath Charitram

Author(s): Amrutsuri, Abhaydevsuri
Publisher: Jain Sahitya Vardhak Sabha

Page 351

332 ] श्रीजननैषधोयमहाकाव्ये श्रीशान्तिनाथचरित्र अन्वयः-तदनु, दनुजपूज्यः, निरुपममहिमायः, सर्ववित्सार्वभौमः, वीरनामा, तीर्थकृत् , ( जयति ), तदनु, गणधरालीपूर्वदिग्भानुमाली, हीरपूर्वम्, अपूर्वम्, विजयपदम् , दधानः, (जयति ) // 2 // वृत्तिः–तदनु-ततः-कियत्कालानन्तरम् तत्पश्चादिति यावत् / दनुजपूज्यः-दनोस्तन्नामकदेवयोनिविशेषाज्जाता दनुजास्तैः पूज्योऽर्चनीयः, सेवनीय इति यावत् , सुरासुरवृन्दवन्दनीय इति यावत् / निरूपममहिमा ट्यः-उपमायाः-सादृश्यान्निर्गतो निरुपमः स चासौ महिमा-माहात्म्यम् , निरूपममहिमा, तेन आढ्यः श्रेष्ठस्तथा / सर्ववित्सार्वभौमः-सर्व-निखिलं, विदन्ति-जानन्ति सर्व विदः सर्वज्ञा, जिनेश्वरा इत्यर्थः, तेषु सार्वभौमश्चक्रवर्ती तथा, सर्वजिनेश्वरश्रेष्ठ इति भावः / वीरनामा-महावीराभिधानः / तीर्थकृत्-तीर्थङ्करः / (जयति-सर्वोत्कृष्टेन वर्तते) तदनु-तत्पश्चात्। . गणधरालीपूर्व दिग्भानुमाली-गणधराणां-गणाधीशानामाली पङ्क्तिः, कदम्बकमित्यर्थः, सैव पूर्वदिक्-महेन्द्रकाष्ठा, गणधरालीपूर्वदिक् तत्र भानुमाली सूय्यः, तद्रूप इत्यर्थः। हीरपूर्वम्-होरेत्यक्षरद्वयपूर्वम् / अपूर्वम्-लोकोत्तरम् / विजयपदम्-विजयेत्याकारकमास्पदवाचकं शब्दविशेषमित्यर्थः / दधानः-धारयन् , विजयहीररिरित्यर्थः / (जयति-सर्वोत्कर्षेण वर्तते) // 2 // कनकविजयशर्माऽस्यान्तिपत्प्रौढधर्मा, शुचितरवरशीलः शीलनामा तदीयः / कमलविजयधीरः सिद्धिसंसिद्धिवीर-स्तदनुज इह रेजे वाचकश्रीशरीरः // 3 // चारित्रशब्दाद् विजयाभिधान-स्त्रयी सगर्भा धृतशीलधर्माः। एषां विनेयाः कवयः कृपाद्याः, पद्यास्वरूपाः समयाम्बुराशौ // 4 // अन्वयः-अस्य. प्रौढधर्माः कनकविजयशर्मा, अन्तिषत् , तदीयः, शुचितरवरशीलः, शीलनामा, ( तदीयः ), सिद्धिसंसिद्धिवीरः, कमलविजयधीरः, तदनुजः, वाचकश्रीशरीरः, चारित्रशब्दात् , विजयाभिधानः, इह, रेजे / धृतशीलधर्मा, त्रयी, सगर्भा, (आसीत्), एषाम् , समयाम्बुराशौ, पद्यास्वरूपाः, कृपाद्याः, कवयः, विनेयाः, (बभूवुः) // 3-4 // वृत्तिः-अस्य-महात्महीरसरिवर्यस्य / प्रौढधर्माः-प्रौढः-प्रौढिमुपगतो धर्मो वृषः सुकृतमिति यावद्यस्य स तथा / अत्यन्तधर्मशील इत्यर्थः / कनकविंजयशर्मा-कनकविजयाभिधानः / अन्तिपत्-अन्तेवासी शिष्य इति यावत् / तदीयः-तस्य कनकविजयशर्मगोऽयन्तदीयस्तत्सम्बन्धीति यावत् / शुचितरवरशील:-शुचितरं-पवित्रतरं, वरं-समीचीनं, शोलं-चारित्रं यस्य स तथा /