Book Title: Kumarpalcharitrasangraha New Publication of Shrutaratnakar
Author(s): Jinvijay
Publisher: Singhi Jain Shastra Shiksha Pith Mumbai
View full book text ________________
कुमारपालप्रतिबोधसङ्क्षेपः
Jain Education International
भयवं ! धन्ना तुब्भे संसारासारयं मणे धरिउं । जे चत्तसव्वसंगा परलोयाराहणं कुणह ॥८८॥ अम्हारिसा अहन्ना परलोयपरंमुहा महारंभा । अनियत्तविसयतण्हा जे इहभवमेत्तपडिबद्धा ॥८९॥ अह जंपिउं पवत्तो सिरिदत्तगुरू नहंगणं सयलं । तवसिरिमुत्तापंतीहिं दंतकंतीहिं धवलंतो ॥९०॥ मुहससिपवेससुविणोवमाइदुलहं नरत्तणं लहिउं । खणमेक्कं पि माओ बुहेण धम्मे न कायव्वो ॥९१॥
✡
[ अत्र ग्रन्थकारेण मूलदेवकथानकं वर्णितम् ।] इय धम्मदेसणामयरसेण सेत्तम्मि भूमिणाहस्स । हिययम्मि समुल्लसिओ जिणिदधम्माणुरायदुमो ॥९२॥ भणियं निवेण भयवं ! कहियमिणं उभयभवहियं तुमए । अन्नो पिओ वि सव्वो जंपइ इहभवहियं चेव ॥९३॥ ता समयम्मि विमुत्तुं तणं व रज्जं विवेयगिरिवज्जं । पडिवज्जिऊण धम्मं सहलं काहं मणुयजम्मं ॥ ९४ ॥ ता वंदिउं मुणिदं नियमंदिरमागओ महीनाहो । धम्मोवएसविसरं सुमरंतो गमइ दियहाइ ॥ ९५ ॥ अह पावसो पयट्टो संपाडियपहियहिययसंघट्टो । समरट्टमारनट्टो कयंबसंदट्ठअलिवट्टो ॥९६॥ जत्थ विरहग्गिडज्झंतविरहिणीहिययलद्धपसरेण । धूमभरेण घणमंडलेण मलिणीकयं गगणं ॥९७॥ नवमेहपिययमेणं समप्पियं जत्थ तडिलयालोयं । कणयमयाभरणं पिव पयडंति दिसापुरंधीओ ॥९८॥ नवपाउसनरवइरज्जघोसणाडिंडिमो व्व सव्वत्थ । जग्गवियविसमबाणो वियंभिओ मेहगज्जिरवो ॥ ९९ ॥ निवडंति माणिणीमाणखंडेण विलसमाणसत्तीओ । जस्स जलधाराओ अणंगसरधोरणीओं व्व ॥१००॥
For Private & Personal Use Only
२५५
5
10
15
20
25
www.jainelibrary.org
Loading... Page Navigation 1 ... 332 333 334 335 336 337 338 339 340 341 342 343 344 345 346 347 348 349 350 351 352 353 354 355 356 357 358 359 360 361 362 363 364 365 366 367 368 369 370 371 372 373 374 375 376 377 378 379 380 381 382 383 384 385 386 387 388 389 390 391 392 393 394 395 396 397 398 399 400 401 402 403 404 405 406 407 408 409 410 411 412 413 414 415 416 417 418 419 420 421 422 423 424 425 426