Kumarpalcharitrasangraha New Publication of Shrutaratnakar

Author(s): Jinvijay
Publisher: Singhi Jain Shastra Shiksha Pith Mumbai

Page 337

5
10
15
20
२५८
कुमारपालचरित्रसङ्ग्रहः
तत्तो पज्जुनगुरू वियरंतो सयलसंघपरिओ स । सुत्तत्थपयडणपरो परोवयारं चिरं कुणइ ॥ १२९ ॥ सत्तसुहो सुइमुहओ वाइज्जंतो समग्गलोएण । ठाणयपगरणरूवो जस्सऽज्ज वि फुरइ जसपडहो ॥१३०॥ तस्स गुणसेणसूरी सीसो वरसंजमुज्जओ जाओ । जस्स गुण च्चिय बाणा अंतररिउवग्गनिग्गहणे ॥ १३१ ॥ सीसो खमग्गलग्गो तस्सासी देवचंदसूरि त्ति । चंदेण व दियराएण जेण आनंदियं भुवणं ॥ १३२ ॥
✡
कयसुकयकुमुयबोहा चैउरबठरप्पमोयसंजणणी । संतिजिणचरित्तकहा जुण्ह व्व वियंभिआ जत्तो ॥१३३॥ जे ठाणएसु ठविया पज्जुन्नमुणीसरेण धम्मदुमा । काऊण ताण विवइं ते जेण लहाविआ वुद्धिं ॥१३४॥ जस्स चलणारविंदं चरित्तलच्छीविलासवासहरं । मुणिभमरेहिँ अमुक्कं जिणमयमयरंदलुद्धेहिं ॥ १३५॥ सो विहरंतो महीमंडलम्मि खंडियपयंडभावरिऊ । सयलभुवणेक्कबंधू धंधुक्कयं पुरवरं पत्तो ॥ १३६ ॥ सो तत्थ पणमणत्थं समागयाणं जणाण पउराणं । संसारासारत्तणपयासिणि देसणं कुणइ ॥ १३७॥ तं सोउं संविग्गो सरीरसुंदेरविजियसुरकुमरो । एक्को वणियकुमारो कयंजली भणिउमाढत्तो ॥ १३८ ॥ भयवं ! भवण्णवाओ जम्म- जरा - मरणलहरिहीरंतं । मं नित्थारसु सुचारित्तजाणवत्तपयाणेण ॥१३९॥
गुरुणा वुत्तं बालय ! किं नामो कस्स वा सुओ तं स । तो तस्स माउलेणं पयंपिअं नेमिनामेण ॥१४०॥
★ श्लोक - १३३ मध्ये चउरबठर० इति पाठोऽस्ति आचार्यवर्य श्रीदेवसूरिरचितप्राकृतभाषानिबद्ध श्रीशान्तिनाथचरित्रे चउरचओर० इति पाठोऽस्ति परं संतिजिणचरित्तकहा चउरबठरेषु सर्वेषु प्रमोदसंजननीति चउरबठर० पाठोऽपि सङ्गतोऽस्ति ।