Kumarpalcharitrasangraha New Publication of Shrutaratnakar

Author(s): Jinvijay
Publisher: Singhi Jain Shastra Shiksha Pith Mumbai

Page 329

5
10
15
20
25
२५०
६२. अणहिलपाटकपुरवर्णनम्
मुणियविसमत्थसत्था निम्मियवायरणपमुहगंथगणा । परवाइपराजयजाय[सु] कीत्तिमई जयपसिद्धा ||२३|| धम्मपडिवत्तिजणणं अतुच्छमिच्छत्तमुच्छिआणं पि । महुखीरपमुहमुहरत्तनिम्मियं धम्मवागरणं ||२४|| इच्चाइगुणोहं हेमसूरिणो पेच्छिऊण छेयजणो । सद्दहइ अदिट्ठे विहुतित्थंकरगणहरप्पमुहे ॥ २५॥ जिणधम्मे पडिवत्तिं कुमरनरिंदस्स लोइडं लोओ । पत्तियइ व्व चिरंतणभूमिवईणं पि अविअप्पं ||२६|| सिव हकहगे विसयं वीरजिणे सेणिएण नरवइणा । जीवदयं कारविडं न सक्किओ कालसोयरिओ ||२७|| दूसमसमए वि हु हेमसूरिणो निसुणिऊण वयणाई । सव्वजणो जीवदयं कराविओ कुमरवालेण ॥२८॥ तत्तो दुवे वि एए इमम्मि समए असंभवचरित्ता | कयकयजुयावयारा जिणधम्मपभावणपहाणा ||२९|| दुह वि इमाण चरियं भणिज्जमाणं मए निसामेह । वित्थरइ जेण सुकयं थिरत्तणं होइ जिणधम्मे ||३०|| जइ वि चरियं इमाणं मणोहरं अत्थि बहुयमन्नं पि । तह वि जिणधम्मपडिबोहबंधुरं किं पि जंपेमि ||३१|| बहुभक्खजुयाइ वि रसवईए किंचि भुंजंतो । नियइच्छाणुरूवं पुरिसो कि होइ वयणिज्जो ||३२||
कुमारपालचरित्रसङ्ग्रहः
अत्थि महीमहिलाए मुहं महंतं मयंकपडिबिम्बं । जंबुद्दीवछलेणं नहलच्छि दट्टुमुन्नमियं ||३३|| तुंगो नासावंसो व्व सोहए तियसपव्वओ जत्थ । सीया- सीओयाओ दीहा दिट्ठीओ व सहंति ॥ ३४ ॥ तत्थारोवियगुणधणुनिभं नलाडं व भारहं अत्थि । जत्थ विराय विउलो वेयड्डो रययपट्टो व्व ||३५||