________________
ના
?
સવારે પ્રાણ રેડીને પ્રાર્થના કરો :
शिवमस्तु सर्व जगत: परहितनिरता भवंतु भूतगणाः ।
दोषाः प्रयान्तु नाशं, सर्वत्र सुखी भवंतु लोकाः ॥ બધાનું કલ્યાણ હો; બધા સુખની છાયામાં રહો; આ શબ્દો સાથે એકરસ બનો; આ છે પ્રાર્થનાનો સાર. પછી જુઓ કે સુખ તમારે આંગણે દોડતું દોડતું આવે છે કે નહિ. રેડિયોમાંથી તરંગો દ્વારા સંગીત છૂટે તેમ વિશ્વમાંથી સંગીતનાં મોજાં છૂટે. એ ગુપ્ત છે, પ્રચ્છન્ન છે પણ એ એક હકીકત અને બળ છે. જે બધાનું સારું ઇચ્છે એનું બૂરું કરનાર કોણ?
સુવાસ દેખાતી નથી પણ સૂંઘી શકાય છે, એમ આશીર્વાદ દેખાય નહિ પણ અનુભવાય ખરા. સુખનો અનુભવ થાય છે ને ? એ ક્યાંથી આવ્યું ? કેમ આવ્યું ? આશીર્વાદના બીજમાંથી સુખનો છોડ પ્રગટ્યો છે.
સુખની લાલી જીવનમાં લાવવી હોય તો શુભેચ્છાઓ વધારવી પડશે. દુનિયાભરમાંથી શુભેચ્છાઓ ભેગી કરો; જ્યાં જાઓ ત્યાં નમો. નમ્યો તે સૌને ગમ્યો. સુખના દહાડામાં માંથું ઊંચું કરશો નહિ. નમતા રહો. દુનિયાને શીખવા દો કે આ આત્મા આટલો સુખી છતાં કેવો વિનથી !
કોઈ બૂરા વિચાર મોકલે તો આશીર્વાદના જળપ્રવાહમાં એ બૂરા વિચાર તરત જ અંગારાની જેમ બુઝાઈ જાય છે.
વિપુલ પાણીમાં બળતો કોલસો બુઝાઈ જાય એમ શુભેચ્છાના સરોવરમાં કુવિચારોનો કોલસો બુઝાઈ જવાનો જ.
દુનિયામાં શું લેવાનું છે ? શુભેચ્છા. દુનિયાને દેવાનું શું છે ? પ્રેમ.
બધાં પ્રેમ ચાહે છે. કૂતરું માણસને ગમે છે કારણ કે એ પ્રેમી છે. માલિકને જુએ અને નાચવા માંડે. એ બીજી ભાષા નથી જાણતું. એની આંખમાં પ્રેમ છે. માલિકને સાચા દિલથી ચાહે છે. એટલે જ માણસ દીકરાને ન ચાહે એટલો કૂતરાને ચાહે અને સાચવે.
એક માળામાં રહેતું કુટુંબ બીજે રહેવા ગયું. એના ગયા પછી માળામાં રહેનારાઓ કહે કે એ કેવું સારું કુટુંબ હતું ! એનાથી આખો માળો સુવાસિત હતો. તેઓ ગયા અને માળાની રોનક ચાલી ગઈ. માળો ખાલી ખાલી લાગે છે. આમ શા માટે ? એટલા માટે કે એ કુટુંબ જીવન જીવી જાણતું હતું, પ્રેમ અને મૈત્રીની હવા ફેલાવી જાણતું હતું.
શુભેચ્છા લેવાની છે અને નિર્મળ પ્રેમ આપવાનો છે.
પૂર્ણના પગથારે જ ૨૬૩
Jain Education International
For Private & Personal Use Only
www.jainelibrary.org
