________________
૧૬
સંતકબીર, સુંદરદાસ, ધીરાભગતની કૃતિઓનો નમૂનારૂપે સમાવેશ કર્યો
છે.
જૈન સાહિત્યની સમૃદ્ધિના પ્રતીક સમાન હરિયાળી પૂરક બનશે એવી શ્રદ્ધા છે. વિવિધ હરિયાળીઓ, ગ્રંથોમાં સુષુપ્ત છે. તેને પણ પ્રકાશમાં લાવી શકાય તેમ છે. મારો આ પ્રયત્ન વધુ સંશોધન માટે પથપ્રદર્શક બને તેવી આશા સાથે અપૂર્વ જ્ઞાનાનંદની પરમાવધિથી પુસ્તકને પ્રગટ કરવાનો અનેરો લ્હાવો લીધો છે.
જ્ઞાનમાર્ગ અને સાધનાની અનુભૂતિમાં ગૂઢાર્થભર્યા રહસ્યને પામવા માટે હરિયાળી પ્રકારની કાવ્યકૃતિઓ વાચક વર્ગને નિર્દોષ આનંદની સાથે આત્મજાગૃતિ માટે જીવનમાં પ્રેરક બનશે એવી અપેક્ષા સાથે વિરમું છું
| મુખપૃષ્ઠ ઉપર ચોરસ ખાનાવાળા ચિત્રમાં “હરિયાળી' કાવ્યના પર્યાયવાચી શબ્દો અવળા ગોઠવ્યા છે તે સ્ટેજ ધ્યાનપૂર્વક વિચારવાથી સમજાઈ જશે. હિન્દી ભાષામાં ઉલટબાસી, બંગાળીમાં બાઉલગીત, મરાઠીમાં ભારૂડગીત, રાજસ્થાનમાં હિમાલી, અરબી ફારસીમાં ઈસારિયા, અંગ્રેજીમાં રીડલ એનિગ્મા, સંસ્કૃતમાં કૂટકાવ્ય સમસ્યા. આ અંગેની વિશેષ વિગતો હરિયાળી સ્વરૂપ અને વિકાસ પ્રકરણમાં આપવામાં આવી છે.
જૈન એકેડેમી, મુંબઈ તરફથી આ પુસ્તક પ્રકાશન અંગે મુખ્ય આર્થિક સહયોગ પ્રાપ્ત થયો છે તે માટે એકેડેમીના ટ્રસ્ટીઓ અને સભ્યોનો હૃદયપૂર્વક આભાર માનું છું.
- ડૉ. કવિન શાહ
