________________
(૪) અર્થઃ વહુ-કુમતિ, વીઆઈ-વ્યાપી. જ્યારે કુમતિરૂપ વહુનો વિકાસ થયો, પરંતુ.. લહુડે દેવરે-લઘુકર્મી, હળુકર્મી જીવે તે વખતે સુમતિરૂપ માતા ઉત્પન્ન કરી. જીવાત્મા સુમતિની સોબતથી સમભાવી થયો.
સસરો-જીવ, સૂતો-પ્રમાદમાં પડ્યો, ત્યારે સુમતિરૂપી પુત્રવધૂ તેને હિંડોળે છે-હિંચકા નાખે છે અને હાલો-હાલો ઉદ્યમ કરો, પુરુષાર્થ કરો, કાળ ઢંકડો આવે છે એમ કહે છે.
મહાવીર પ્રભુએ ચાર જ્ઞાનના ધણી ગૌતમ ગણધરને ઉપદેશ આપ્યો સમય ગોયમ મા પમાયે ! (માગધી)
હે ગૌતમ! એક “સમય”નો પ્રમાદ કરીશ નહિ. (જૈન તત્વજ્ઞાનમાં સમય”નો અર્થ જ્ઞાની પાસેથી જિજ્ઞાસુએ જાણવ) “ઉત્તરાધ્યયન આગમમાં આ મતલબના ચૌદ પંદર લોકો છે. એક ક્ષણ-પળનો પણ પ્રમાદ કરવો નહિ.
વર્ધમાનસ્વામીના બીજાં વાક્યોઃ
“જો ઉસ્થિત હૈ, પ્રમાદ ન કરે” (આચારાંગ) સાવધાન થઈ, જે સૂતો છે તેણે જાગવું જોઈએ : જે જાગૃત છે તેણે પ્રમાદ છોડી, સાધનામાર્ગે ચાલી, સિદ્ધિ પ્રાપ્ત કરવાનું લક્ષ રાખવું જોઈએ.
અલ કુસલમ્સ પમાએણે (આચારાંગ)
કુશળ વ્યક્તિએ-બુધ્ધિશાળી, સમજદાર આત્માએ પ્રમાદ ન કરવો જોઈએ-એક ક્ષણભર પણ આળસ ન કરવી જોઈએ કારણ કે પ્રમાદ જીવાત્માનો મહાન શત્રુ છે.
આપણું મન એટલું ચંચળ છે કે ઇન્દ્રિયના વિષયો તરફ લોભાય છે તેથી રાગ-દ્વેષ, ક્રોધ-માન-માયા-લોભ જન્મે છે. જે જીવાત્માને સંસારમાં રખડાવે છે, જન્મ-જરા-મૃત્યુના ચક્કરમાં ફસાવે છે.
