________________
૨૭૦
છેલ્લો છે તે જ પરિણામે પહેલો જ છે. જો સાંભળ, તને ક્યાં ક્યાં પહેલો નંબર મલ્યો છે, અને કેવા મહાન જ્યોર્તિધરોએ અને પૂર્વે થઈ ગયેલા મોટા મોટા શાસ્ત્રકાર મહારાજાઓએ તારૂં સન્માન અને સત્કાર કરીને મંત્રાક્ષરોની રચના જેવા ઉચ્ચ સ્થાને પ્રથમ દરજે પધરાવ્યો છે. પ્રથમ તો શ્રી સિધ્ધચક્ર ભગવાનની શાશ્વતી બે ઓળી જે દરવર્ષે વર્ષમાં બે વાર ચૈત્ર માસમાં તથા આસો માસમાં આવે છે, જેની પુષ્કળ આરાધના ગામોગામ અને શહેરે શહેરમાં થાય છે તેના મંત્રાક્ષરો મધ્ય ગગન બીજરૂપે તારું સ્થાન છે. તે પછી હાં હીં વિગેરે મંત્રાક્ષરોમાં પણ તારું અગ્રસ્થાન છે. પૂર્વે થઈ ગયેલા તપસ્વી મુનિ હરિકેશી મુનિવરે તથા બાવીસમા તીર્થંકર નેમિનાથ ભગવાનના ભાઈ શ્રી કૃષ્ણ વાસુદેવે હરિનામ ધારણ કરીને તથા સ્વર્ગાધિપતિ ઇંદ્ર મહારાજાએ હરિનામ ધારણ કરીને તેમજ મહાન ધુરંધર એવા ચૌદશો ચુંવાલીસ ગ્રંથના કર્તા શ્રીમાન હરિભદ્રસૂરિશ્વરજી મહારાજાએ તથા કલિકાળ સર્વજ્ઞ પરમાર્હત્ કુમારપાળ ભૂપાળ પ્રતિબોધક શ્રીમાન હેમચંદ્રસૂરિશ્વરજી મહારાજાએ અને દિલ્લીપતી મોગલ બાદશાહ અકબરશાહ પ્રતિબોધક અહિંસાના પ્રખર ઉપદેશક તેમજ જૈન ધર્મનો ઝંડો જગતમાં ફરકાવનાર શ્રીમાન હીરવિજયસૂરિશ્વરજી મહારાજા (હીરલાદાદા) એ ઇત્યાદિ પૂર્વાચાર્યોએ પોતાના નામમાં પ્રથમ પદે બિરાજમાન કર્યો છે. તેમજ વિવિધ પૂજા સંગ્રહના કર્તા શ્રીમાન પ્રસિદ્ધ વક્તા કવિ પંડિત પન્યાસ પ્રવર શ્રી વીરવિજયજી ગણિવરજી મહારાજાએ અભૂત કૌતુક કુશળ કલ્યાણકારી શ્રી હરિયાળીઓમાં પણ પ્રથમ (હ) તારૂં જ ગૌરવ જણાય છે. માટે હે “હ” હવે તારી દીલગીરી દુર કરી હર્ષ આનંદમાં મગ્ન થઈ રાજીરાજી થઈ જવું જોઈએ, એ સાંભળીને “હ” તો ઘણો જ ખુશીખુશી થયો થકો અત્યંત ઉલ્લાસપૂર્વક ખડખડ હસવા લાગ્યો, નાચવા લાગ્યો, તે જોઈ તેના હિતસ્વિઓએ પણ તેને સભા ભરીને મુબારકબાદી તથા ધન્યવાદ આપ્યો. ઈતિ શુભ ભવતુ. સમાપ્ત વ્યંજનાધિપતિ મહાપ્રાણે હજાર વર્ણન.
(સંદર્ભ : કલ્યાણ કૌતુકકણિકા) પાન નં-૨૧
