Hajrat Mahammad ane Islam

Author(s): Sundarlal Shastri
Publisher: Navjivan Prakashan Mandir Ahmedabad

Page 54

મુસીબતોનાં તેર વરસ
૪૫ પણ ઘણા તો પોતાના નવા ધર્મને છુપાવતા હતા અને ખુદ મહંમદસાહેબ પણ ક્યારેક એકના ઘરમાં તો કયારેક બીજાના ઘરમાં બેસીને છાના છાના પોતાના ધર્મનો ઉપદેશ કરતા હતા.
ઉમર તે સમયે ૩૫ વરસના હશે. તે પુરાણા કટ્ટર વિચારતા હતા. તેમને ખબર પડી કે મહંમદસાહેબ અમુક મકાનમાં છે. તેઓ ખંજર લઈને મહંમદસાહેબને મારવા નીકળ્યા. રસ્તામાં તેમણે સાંભળ્યું કે તેમની પોતાની એક બહેન અને બનેવી બંનેએ ઇસ્લામ ધર્મ સ્વીકાર્યો છે. તેઓ ગુસ્સે થઈને પહેલાં બહેનના મકાન તરફ ચાલ્યા. મકાનની અંદર કુરાનની કેટલીક આયતો વંચાતી સંભળાઈ. અંદર જતાં જ તેમણે બનેવીને નીચે પટકીને તેની છાતી પર પગ મૂક્યો. અને તેને પૂરો કરવાની તૈયારીમાં હતા ત્યાં બહેન વચ્ચે પડી. એક ઘાથી તેમણે બહેનના ચહેરાને પણ લોહીલોહાણ કરી નાખ્યો. બહેને ગભરાયા વગર કે પાછા હઠયા વગર બહુ શાંતિથી જવાબ આપ્યો:
“અલ્લાના દુશ્મન, હું એક સાચા ઈશ્વરને માનનારી છું એટલા માટે જ શું તું મને મારે છે? તારા વિરોધ છતાં અને તારો જુલમ સહન કરીને પણ હું સાચા ધર્મને વળગી રહીશ. હા, હું કહું છું કે એક ઈશ્વર સિવાય બીજો કોઈ ઈશ્વર નથી અને મહંમદ તેનો રસૂવ છે. ઉમર, લે હવે તારું કામ પતાવ.”
ઉમરના દિલ પર અસર થઈ, તેમનો હાથ અટકી ગયો. તેઓ વિચારમાં પડી ગયા. પાસે જ કોઈ વસ્તુ પર લખેલી કુરાનની કેટલીક આયતો પડી હતી તે તરફ તેમની નજર ગઈ. આ કુરાનની ૨૦મી સૂરા હતી. ઉમર તે સહેજે જ વાંચવા લાગ્યા. પછી વારંવાર વાંચી. તેમનો વિચાર બદલાયો. બહેન-બનેવી બંને પાસે માફી માગી. બહાર નીકળીને તરત જ તેઓ ખંજરને બદલે દિલ લઈને મહંમદસાહેબ પાસે જઈ પહોંચ્યા. અને તરત ઇસ્લામ ધર્મ અપનાવી લીધો.
તે જ દિવસોમાં મહંમદસાહેબના એક કાકા હઝા જેઓ પહેલાં તેમના કટ્ટર દુશ્મન હતા તેમણે ઇસ્લામ ધર્મ અપનાવ્યો. કહે છે કે, “મહંમદસાહેબને તે સમયે જેટલા હેરાન કરવામાં આવતા અને ઠેકઠેકાણે તેમનું જે અપમાન કરવામાં આવતું અને જે શાતિ અને ધીરજપૂર્વક