________________
ઇસ્લામ ધર્મનો સાર
૧૩૧
એ પાપ છે. અને કુરાન તે બધા પેગંબરોના ઉપદેશો અને ધર્મપુસ્તકોની કેવળ ‘તસ્દીક’ કરે છે એટલે કે તેમને સાચાં ઠરાવે છે.
“પરમેશ્વરે આ પુસ્તક (કુરાન) જેમાં સત્યનો ઉપદેશ છે તે તારા પર મોકલ્યું છે. એ આથી પહેલાં આવેલા બધાં ધર્મપુસ્તકોને સાચાં ઠરાવે છે.” (૩-૨)
“કહી દો કે અમે પરમાત્મા પર વિશ્વાસ કરીએ છીએ અને પરમાત્મા તરફ્થી અમને જે શિક્ષણ મળ્યું છે તેમાં વિશ્વાસ રાખીએ છીએ અને ઇબ્રાહીમ . . . મૂસા, ઈસા અને દુનિયાના બીજા બધા પેગંબરોને પરમાત્મા પાસેથી જે શિક્ષણ મળતું રહ્યું છે તે બધાને માનીએ છીએ. અમે તેઓમાં કોઈ જાતનો ભેદ માનતા નથી. અમે ઈશ્વરની આજ્ઞા માનીએ છીએ. (તેનું સત્ય જ્યાં કંઈ અને જે કોઈની વાણી મારફતે આવ્યું હોય તે પર અમારો વિશ્વાસ છે.)” (૩-૮૩)
“અમે અલ્લાના રસૂલોમાં કોઈ જાતનો ભેદભાવ કરતા નથી.” (૨-૨૮૫)
“જેઓ અલ્લા અને તેના પેગંબરોમાં ભેદભાવ કરવા માગે છે અને કહે છે કે અમે તેઓમાંથી કોઈને માનીએ છીએ અને કોઈને નથી માનતા તેઓ કાફર (એટલે ઈશ્વરનો આભાર ન માનનારા) છે, એમાં કાંઈ શક નથી.” (૪-૧૪૯)
“જેઓ ઇસ્લામના પેગંબરને મળેલા સત્ય પર વિશ્વાસ રાખે છે અને ઇસ્લામ પહેલાં આ દુનિયામાં પ્રગટ થયેલાં સત્યો પર પણ વિશ્વાસ રાખે છે, તેમ જ પરલોક એટલે કર્મનાં ફળ પર પણ વિશ્વાસ રાખે છે તેઓ પોતાના પરમાત્માએ બતાવેલે સાચે રસ્તે છે અને તેઓ જ ભલાઈને રસ્તે છે.” (૨-૪-૫)
...
સૌ ધર્મને સાચા અને સૌ ધર્મપ્રવર્તકોને ઈશ્વરે મોકલેલા માનીને મહંમદસાહેબનું કહેવું એમ છે કે દરેક ધર્મનાં બે અંગ હોય છે. પહેલું અંગ તે તેની પૂજાની રીત અને બીજું તેના મૂળ સિદ્ધાંતો. પહેલું – પૂજાની રીત – દેશકાળ પ્રમાણે જુદા જુદા ધર્મોમાં જુદું જુદું હોય છે,
