Agam 39 Mahanisiham Chattham Cheyasuttam Mulam PDF File

Author(s): Dipratnasagar, Deepratnasagar
Publisher: Deepratnasagar

Page 121

पडिक्कमेज्जा, पारंचियं । सव्वस्स समण-संघस्स तिविहं तिविहेण खमण-मरिसामणं अकाऊणं पडिक्कमणं करेज्जा, उवट्ठावणं । पयं पएणाविच्चामेलिय पडिक्कमण-सुत्तं न पयट्टेज्जा, चउत्थं ।
पडिक्कमणं काऊणं संथारगे इ वा फलहगे इ वा तुयदृज्जा, खमणं । दिया तुयद्देज्जा, दुवालसं | पडिक्कमणं काउं गुरु-पामूलं वसहिं संदिसावेत्ताणं न पच्चुप्पेहेइ, चउत्थं |
वसहिं पच्चुप्पेहिऊणं न संपवेएज्जा, छटुं | वसहिं असंपवेएत्ताणं रयहरणं पच्चुप्पेहेज्जा, पुरिवड्ढं । रयहरणं विहीए पच्चुप्पेहेत्ताणं गुरु-पामूलं मुहनंतगं पच्चुप्पेहिय उवहिं न संदिसावेज्जा, पुरिवड्ढं | मुहनंतगेणं अपच्चुप्पेहिएणं उवहिं संदिसावेज्जा, पुरिवड्ढं । असंदिसावियं उवहिं पच्चुप्पेहेज्जा, पुरिवड्ढं । अनुवउत्तो वसहिं वा उवहिं वा पच्चुप्पेहे, दुवालसं । अविहीए वसहिं वा उवहिं वा अन्नयरं वा भंड-मत्तोवगरणं जायं किंचि अनोवउत्ता-पमत्तो पच्चुप्पेहेज्जा, दुवालसं | वसहिं वा उवहिं वा भंडमत्तोवगरणं वा अपडिलेहियं वा दुप्पडिलेहियं वा परिभुजेज्जा, दुवालसं । वसहिं वा उवहिं वा भंडमत्तोवगरणं वा न पच्चुप्पेहज्जा, उवट्ठावणं ।
___एवं वसहिं उवहिं पच्चुप्पेहेत्ताणं जम्ही पएसे संथारयं जम्ही उ पएसे उवहिए पच्चुप्पेहणं कयं तं ठाणं निउणं हलुय-हलुयं दंडापुंछणगेण वा रयहरणेण वा साहरेत्ताणं तं च कयवरं पच्चुप्पेहित्तुं छप्पाइयाओ न पडिगाहेज्ज
छप्पइयाओ पडिगाहेत्ताणं तं च कयवरं परिहवेऊणं इरियं न पडिक्कमेज्जा, चउत्थं । अपच्चुप्पेहियं कयवरं परिहावेज्जा, उवट्ठावणं | जइ णं छप्पइयाओ हवेज्जा अहा णं नत्थि, तओ दुवालसं | एवं वसहिं उवहिं पच्चुप्पेहिऊणं समाहिं खइरोल्लगं च न परिद्ववेज्जा, चउत्थं ।
__ अनुग्गए सूरिए समाहिं वा खइरोल्लगं वा परिद्ववेज्जा, आयंबिलं हरिय-काय-संसत्ते इ वा बीयकाय-संसत्ते इ वा तसकाय-बेइंदियाईएहिं वा संसत्ते, थंडिले समाहिं वा खइरोल्लगं वा परिहवे अन्नयरं वा उच्चारायइं वोसिरेज्जा, पुरिवड्ढेक्कासणगायंबिलं अहक्कमेणं ।
जइ णं नो उद्दवणं संभवेज्जा अहा णं उद्दवणा संभावीए, तओ खमणं । तं च थंडिलं पुनरवि पडिजागरेऊणं नीसंकं काऊणं पुनरवि आलोएत्ताणं जहा-जोगं पायच्छित्तं न पडिगाहेज्जा, तओ उवट्ठाणं । समाहिं परिद्ववेमाणो सागारिएणं संचिक्खीयए संचिक्खीयमाणो वा परिट्ठवेज्जा, खवणं | अपच्चुवेहिए थंडिल्ले जं किंचि वोसिरेज्जा, तत्तोवट्ठाणं ।
एवं च वसहिं उवहिं पच्चुपेहेत्ताणं समाही खइरोल्लगं च परिद्ववेत्ताणं एगग्ग-मानसो आउत्तो विहीए सुत्तत्थं अनुसरेमाणो ईरियं न पडिक्कमेज्जा, एक्कासणगं |
मुहनंतगेणं विना इरियं पडिक्कमेज्जा वंदन-पडिक्कमणं वा करेज्जा जंभाएज्ज वा सज्झायं वा करेज्जा वायणादी, सव्वत्थ परिवड्ढं | एवं च इरियं पडिक्कमित्ताणं सुकुमाल-पम्हल-अचोप्पड-अविअज्झयणं-७/ चूलिका-१
क्किटेणं अविद्ध-दंडेणं दंड-पुच्छणगेणं वसहिं न पमज्जे, एक्कासणगं ।
बाहिरियाए वा वसहिं वोहारेज्जा, उवट्ठाणं | वसहीए दंड-पुच्छणगं दाऊणं कयवरं न परिडवेज्जा, चउत्थं । अपच्चुहियं कयवरं परिद्ववेज्जा, दुवालसं । जइ णं छप्पइयाओ न हवेज्जा अहा णं हवेज्जा, तओ णं उवट्ठावणं । वसही संतियं कयवरं पच्चुप्पेहमाणे णं जाओ छप्पइयओ तत्थ अन्नेसिऊणं अन्नेसिऊणं समुच्चिणियं समुच्चिणिय पडिगाहिया ताओ जइ णं न सव्वेसिं भिक्खूणं संविभाइउणं देज्जा,
दीपरत्नसागर संशोधितः]
[120]
[३९-महानिसीह