Agam 39 Mahanisiham Chattham Cheyasuttam Mulam PDF File

Author(s): Dipratnasagar, Deepratnasagar
Publisher: Deepratnasagar

Page 149

निययवुत्तत्तं तस्सेति । ताहे विण्णायं तेणं महापावकम्मेणं जहा णं निच्छयं एसा सा ममंगया सुज्जसि । न अन्नाए महिलाए एरिसा रूव-कंती - दित्ती- लावण्ण सोहग्ग-समुदयसिरी भवेज्जत्ति
| चिंति
भणिउमादत्तो तं जहा :
[१५१५] एरिस कम्मरयाणं जं ण पडे खडहडिंतयं वज्जं । तं नूण इमं चिंतेइ सो वि जहित्थविउ मे कत्थ सुज्झिस्सं
अज्झयणं-८ / चूलिका-२
?।।
[१५१६] ति भाणिऊणं चिंतउं पवत्तो सो महापावयारी । जहा णं किं छिंदामि अहयं सहत्थेहिं तिलं तिलं सगत्तं ? किं वा णं तुंगगिरियडाओ पक्खिविरं दढं संचुन्नेंमि ? इनमो अनंतो-पावसंघाय-समुदयं दुट्ठे ? किं वा णं गंतूणं लोहयार-साला सुतत्त-लोह-खंडमिव-घण-खंडाहिं चुण्णावेमि सुइरमत्ताणगं ?
किं वा णं फालावेऊणं मज्झोमज्झीए तिक्ख - करवत्तेहिं अत्ताणगं पुणो संभरावेमि अंतो सुकड्ढियतउयतंब-कंसलोए-लोणूससज्जियक्खारस्स? किं वा णं सहत्थेणं छिंदामि उत्तमंग ? किंवा णं पविसामि मयहरं ? किं वा णं उभयरुक्खेसु अहोमुहं विणिबंधाविऊणमत्ताणगं हेट्ठा पज्जलावेमि जलणं ?
किं बहुना ? ? निद्दहेमि कट्ठेहिं अत्ताणगं ति ? चिंतिऊणं जाव णं मसाणभूमीए, गोयमा ! विरइया महती चिई । ताहे सयल - जन - सन्निज्झं सुईरं निंदिऊण अत्ताणगं साहियं च सव्व-लोगस्स जहा णं मए एरिसं एरिसं कम्मं समायरियं ति भाणिऊण आरूढो चीयाए ।
जाव णं भवियव्वयाए निओगेणं तारिस - दव्व-चुन्न - जोगाणुसंसट्ठे ते सव्वे वि दारु ति काऊणं फूइज्जमाणे वि अनेग-पयारेहिं तहा वि णं पयलिए सिही । तओ य णं धिद्धिकारेणोवहओ सयलगोववयणेहिं जहा-भो भो पेच्छ पेच्छ हुयासणं पि न पज्जले पावकम्मं-कारिस्सं ति भाणिऊणं निद्धाडिए ते बेवि गोउलाओ ।
एयावसरंमि उ अण्णासन्न - सन्निवेसाओ आगए णं भत्त- पानं गहाय तेणेव मग्गेणं उज्जाणाभिमुहे मुणीण संघाडगे । तं च दट्ठूणं अनुमग्गेणं गए ते बेवि पाविट्ठे, पत्ते य उज्जाणं जाव णं पेच्छंति सयल-गुणोह धारिं चउन्नाण - समन्नियं बहु- सीसगण - परिकिन्नं देविंदं नरिंदं वंदिज्जमाणं-पायरविंदं सुगहिय-नामधेज्जं जगानंद - नाम अनगारं तं च दट्ठूणं चिंतियं तेहिं जहा नंदे मग्गामि विसोहि पयं एस महायसे त्ति चिंतिऊणं तओ पणाम- पुव्वगेणं उवविट्ठे ते जहोइए भूमिभागे पुरओ गणहरस्स, भणिओ य सुज्जसिवो तेणं गणहारिणा जहा णं भो भो देवाणुप्पिया ! नीसल्लमालोएत्ताणं लघु करेसुं सिग्घं असेस पाविट्ठ-कम्म-निट्ठवणं पायच्छित्तं ।
एसा उण आवण्णसत्ताए पाणयाए पायच्छित्तं नत्थि जाव णं नो पसूया ताहे गोयमा समुहच्चंत-परम-महासंवेगगए से णं सुज्जसिवे आजम्माओ नीसल्ला - लोयणं पयच्छिऊण जहवइटुं घोरं सुदुक्करं महंतं पायच्छित्तं अनुचरित्ताणं,
तओ अच्चंत-विसुद्ध-परिणामो सामण्णमब्भुट्ठिऊणं छव्वीसं संवच्छरे तेरस य राइदिए अच्चंत-घोर-वीरुग्ग-कट्ठ-दुक्कर-तव-संजमं-समणुचरिऊणं जाव णं एग-दु-ति- चउ-पंच- छम्मासिएहिं खमणेहिं खवेऊणं निप्पडि-कम्म-सरीरत्ताए अप्पमाययाए सव्वत्थामेसु अनवरय - महन्निसानुसमयं सययं सज्झायझाणाईसु णं निद्दिहिऊणं सेस-कम्ममलं अउव्व करणेणं खवग-सेढीए अंतगड-केवली जा
सिद्धे य।
[दीपरत्नसागर संशोधितः ]
[148]
!
[३९-महानिसीहं]