Agam 39 Mahanisiham Chattham Cheyasuttam Mulam PDF File

Author(s): Dipratnasagar, Deepratnasagar
Publisher: Deepratnasagar

Page 147

वुढिकारणं, अहो पावकम्माभिट्ठ-ज्झवसायाणं अहो अभीयाणं पर-लोग-गमनंधयार-घोर-दारुण-दुक्ख-कंडूकडाह-सामलि-कुंभी-पागाइ-दुरहियासाणं एवं च बहु-मनसा परितप्पिऊणं अनुयत्तणा विरहियधम्मेक्करसियसुपसंत-वयणेहिं णं पसंत-महुरक्खरेहिं णं धम्म-देसना पुव्वगेणं भणिया कुमारेणं रायकुल-वालियानरिंद-समणी, गोयमा! तेणं मुनिवरेणं जहा णं - दुक्करकारिगे मा एरिसेणं माया-पवंचेणं अच्चंत-घोरअज्झयणं-८ / चूलिका-२
वीरुग्ग-कट्ठ-सुदुक्कर-तव-संजम-सज्झाय-झाणाईहिं समज्जिए निरनुबंधि-पुन्न-पब्भारे निप्फले कुणसु, न किंचि एरिसेणं माया-दंभेणं अनंत-संसारदायगेणं पओयणं नीसंकमालोएत्ताणं नीसल्ल-मत्ताणं कुरु । अहवा अंधयार-नट्टिगानट्टमिव-धमिय-सुवण्णमिव एक्काए फुक्कयाए जहा तहा निरत्थयं होही | तुज्झेयं वालुप्पडण-भिक्खा-भूमी-सेज्जा बावीस परीसहोवसग्गाहियासणाइए काय-किलेस त्ति |
तओ भणियं तीए भग्गलक्खणाए जहा भयवं ! किं तुम्हेहिं सद्धिं छम्मेणं उल्लविज्जइ ? विसेसणं आलोयणं दाउमाणेहिं नीसंकं पत्तिया, नो णं मए तमं तक्कालं अभिलसिउकामाए। सरागाहिलासाए चक्खूए निज्झाइ उ त्ति किंतु तुज्झ परिमाण-तोलणत्थं निज्झाइओ त्ति । भणमाणी चेव निहणं गया, कम्म-परिणइवसेणं समज्जित्ताणं बद्ध-पुट्ठ-निकाइयं उक्कोस-ठिइं इत्थीवेयं कम्मं गोयमा ! सा राय-कुल-बालिया नरिंद-समणि त्ति तओ य स-सीस-गणे गोयमा से णं महच्छेरगभूए सयंबुद्ध-कुमारमहरिसीए विहीए संलिहिऊणं अत्ताणगं मासं पावोवगमणेणं सम्मेयसेलसिहरम्मि अंतगओ केवलित्ताए सीसगण-समण्णिए परिनिव्व्डे त्ति ।
[१५१२] सा उण रायकल बालिया नरिंद समणी गोयमा ! तेण मायासल्ल भाव दोसेणं उववन्ना विज्जुकुमारीणं वाहणत्ताए नउलीरूवेणं किंकरीदेवेसुं । ततो चुया समाणी पुणो पुणो उववज्जती वावज्जति अहिंडिया मानुस तिरिच्छेसुं सयल-दोहग्ग-दुक्ख-दारिद्द-परिगया सव्वलोय-परिभूया सकम्मफलमनुभवमाणी गोयमा ! जाव णं कह कह वि कम्माणं खओवसमेणं बहु-भवंतरेसुं तं आयरियपयं पाविऊण निरयार-सामण्ण-परिपालेणं सव्वत्थामेसुं च सव्वपमायालंबण-विप्पमुक्केणं तु उज्जमिळणं निद्दड्ढावसेसी-कय-भवंकुरे तहा वि गोयमा ! जा सा सरागा-चक्खुणालोइया तया तक्कम्मदोसेणं माहणित्थित्ताए परिनिव्वुडे णं से रायकुल-बालियानरिंद-समणी जीवे |
[१५१३] से भयवं ! जे णं केई सामन्नमब्भुटेज्जा से णं एक्काइ जाव णं सत्त-अट्ठ-भवंतरेसुं नियमेण सिज्झेज्जा ता किमेयं अनूनाहियं लक्ख-भवंतर-परियडणं ति ? गोयमा ! जे णं केई निरइयारे सामन्ने निव्वाहेज्जा से णं नियमेणं एक्काइ जाव णं अट्ठभवंतरेसुं सिज्झे, जे उ णं सुहमे बायरे केई मायासल्ले वा आउकाय-परिभोगे वा तेउकायपरिभोगे वा मेहण-कज्जे वा अन्नयरे वा केई आणाभंगे काऊणं सामन्नमइयरेज्जा से णं जं लक्खेण भवग्गहणेणं सिज्झे, तं महइ लाभे जओ णं सामण्णमइयरित्ता बोहिं पि लभेज्जा दुक्खेणं । एसा सा गोयमा ! तेणं माहणी जीवेणं माया कया । जीए य एद्दहमेत्ताए वि एरिसे पावे दारुणे-विवागि त्ति ।
_[१५१४] से भयवं किं तीए मयहरीए तेहिं से तंदुलमल्लगे पयच्छिए किं वा णं सा वि य मयहरी तत्थेव तेसिं समं असेस-कम्मक्खयं काऊणं परिनिव्वुडा हवेज्जा ? त्ति गोयमा! तीए मयहरिए तस्स णं तंदुल-मल्लगस्सट्टाए तीए माहणीए धूय त्ति काऊणं गच्छमाणी अवंतराले चेव अवहरिया सा सुज्जसिरी, जहा णं मज्झं गोरसं परिभोत्तूणं कहिं गच्छसि संपयं ? त्ति । आह वच्चामो गोउलं । अन्नं
दीपरत्नसागर संशोधितः]
[146]
[३९-महानिसीह