Agam 39 Mahanisiham Chattham Cheyasuttam Mulam PDF File

Author(s): Dipratnasagar, Deepratnasagar
Publisher: Deepratnasagar

Page 138

भट्टिदारगे जइ तुं इहयं समागच्छिहिसि तओ मा एवं तं वोच्चिया जहा णं नो परिकहियं, निच्छयं अहयं ते वावाइस्सामि |
एवं च अनिट्ठ-वयणं सोच्चाणं वज्जासणि-पहया इव धस त्ति मच्छिऊणं निवडिया धरणिवढे गोयमा ! सा माहणी त्ति । तओ णं तीए महयरिए परिवालिऊणं कंचि कालक्खणं वुत्ता सा सुज्जसिरी जहा णं हला हला कण्णगे, अम्हाणं चिरं वट्टे, ता भणसु सिग्घं नियजननि जहा णं एह लहुं, पयच्छसु तमम्महाणं तंदुल-मल्लगं | अहा णं तंदुल-मल्लगं विप्पणहूं तओ णं मुग्ग-मल्लगमेव पयच्छसु । ताहे पविट्ठा सा सुज्जसिरि अलिंदगे जाव णं दह्नणं तमवत्थंतरगयं निच्चेढ़ मुच्छिरं तं माहणी महया हा-हा खेणं धाहाविउं पयत्ता सा सुज्जसिरि । तं चायन्निऊणं सह परिवग्गेणं वाइओ सो माहणो महयरी य । तओ पवनजलेणं आसासिऊणं पुट्ठा सा तेहिं जहा भट्टिदारगे ! किमेयं किमेयं ति |
तीए भणियं, जहा णं मा मा अत्ताणगं दरमएणं दीहेणं खावेह, मा मा विगय-जलाए सरीरए वुब्भेह, मा मा अरज्जुएहिं पासेहिं नियंतिए मज्झामाहेणाणप्पेह जहा णं किल एस पुत्ते एसा धूया एस णं नत्तुगे एसा णं सुण्हा एस णं जामाउगे एसा णं माया एस णं जनगे एसो भत्ता एस णं इतु मिट्टे-पिए-कंते सुही-सयण-मित्त-बंधु-परिवग्गे । इहइं पच्चक्खमेवेयं वि दिढे अलिय-मलिया चेवेसा बंधवासा स-कज्जत्थी चे संभयए लोओ परमत्थओ न केइ सुही | जाव णं सकज्जं ताव णं माया ताव णं जनगे, ताव णं धूया ताव णं जामाउगे ताव णं नत्तुगे ताव णं पुत्ते ताव णं सुण्हा ताव णं कंता ताव णं इट्टे मिट्टे पिए कंते सुही-सयण-जन-मित्त-बंधु-परिवग्गे | सकज्जसिद्धी विरहेणं तु न कस्सई काइ माया, न कस्सई केइ जनगे न कस्सई काइ धूया न कस्सई केइ जामाउगे न कस्सई केइ पुत्ते न कस्सई काइ सुण्हा न कस्सई केइ भत्ता न कस्सई केइ कंता न कस्सई केइ इढे मिट्टे पिए-कंते-सुही-सयणजन-मित्तबंधु-परिवग्गे ।
जे णं ता पेच्छ पेच्छ मए अनेगोवाइयसउलद्धे साइरेग-नव-मासे कुच्छीए वि धारिऊणं च अनेग-मिट्ठ-महर-उसिण-तिक्ख-गुलिय-सणिद्ध-आहार-पयाण-सिणाण-उव्वट्टण-धूयकरण-संबाहण-थन्नपयाणाईहि णं एमहंत-मनुस्सीकए जहा किल अहं पुत्त-रज्जम्मि पुण्ण पुण्ण-मनोरहा सुहं सुहेण पणइयणपूरियासा कालं गमिहामि, ता एरिसं-एयं वइयरं ति । एयं च नाऊणं मा धवाईसुं करेह खणद्धमवि अणुं पि पडिबंधं । जहा णं इमे मज्झ सुए संवुत्ते तहा णं गेहे गेहे जे केइ भूए, जे केई वटॅति जे केई भविंसु सुए तहा वि एरिसे वि बंधु-वग्गे | केवलं तु स-कज्ज-लुद्धे चेव घडिया-मुहत्त-परिमाणमेव कंचि कालं भएज्जा वा, ता भो भो जना न किंचि कज्जं एतेणं कारिम-बंधु-संताणेणं अनंत-संसार-घोर-दुक्ख-पदायगेणं ति एगे चेवाहन्निसानुसमयं सययं सुविसुद्धासए भयह धम्मे ।
धम्मे य णं इढे पिए कंते परमत्थे सुही-सयण-जन-मित्त-बंधु-परिवग्गे | धम्मे य णं हिट्ठिकरे धम्मे य णं पुढिकरे धम्मे य णं बलकरे धम्मे य णं उच्छाहकरे धम्मे य णं निम्मल-जसकित्तीपसाहगे धम्मे य णं माहप्पजनगे धम्मे य णं सुट्ठ-सोक्ख-परंपरदायगे, से णं सेव्वे से णं आराहणिज्जे से य णं पोसणिज्जे से य णं पालणिज्जे से य णं करणिज्जे से य णं चरणिज्जे से य णं अनट्ठणिज्जे से य णं उवइस्सणिज्जे से य णं कहणिज्जे से य णं भणणिज्जे से य णं पन्नवणिज्जे से अज्झयणं-८ / चूलिका-२
दीपरत्नसागर संशोधितः]
[137]
[३९-महानिसीह