Agam 39 Mahanisiham Chattham Cheyasuttam Mulam PDF File

Author(s): Dipratnasagar, Deepratnasagar
Publisher: Deepratnasagar

Page 137

अवंती नाम जनवओ, तत्थ य संबुक्के नाम खेडगे । तंमि य जम्मदरिद्दे निम्मेरे निक्किवे किविणे निरनुकंपे अइकूरे निक्कलुणे नित्तिंसे रोद्दे चंडरोद्दे पयंड-दंडे पावे अभिग्गहिय-मिच्छादिट्ठी अनुच्चरियनामधेज्जे सुज्जसिवे नाम धिज्जाई अहेसि । तस्स य धूया सुज्जसिरी | सा य अपरितुलिय सयलतियण-नर-नारिगणा लावण्ण-कंति-दित्ति-रूव-सोहग्गाइसएणं अनोवमा अत्तगा, तीए अन्नभवंतरम्मि इणमो हियएण दुच्चिंतियं अहेसि जहा णं सोहणं हवेज्जा जइ णं इमस्स बालगस्स माया वावज्जे, तओ मज्झ असवक्कं भवे । एसो य बालगो दुज्जीविओ भवइ, ताहे मज्झ सुयस्स य रायलच्छी परिणमेज्ज त्ति, तक्कम्म-दोसेणं तु जायमेत्ताए चेव पंचत्तमुवगया जननी ।
तओ गोयमा ! ते णं सुज्झसिवेणं महया किलेसेणं छंदमाराहमाणेणं बहूणं अहिनव-पसूयजुवतीणं धराधरिं थन्नं पाऊणं जीवाविया सा बालिया । अहन्नया जाव णं बाल-भावमुत्तिन्ना सा सुज्जसिरी ताव णं आगयं अमाया-पुत्तं महारोरवं दुवालस-संवच्छरियं दुभिक्खं ति, जाव णं फेट्टाफेट्टीए जाउमारद्धे सयले वि णं जनसमूहे ।
अहण्णया बहु-दिवस-खुहत्तेणं विसायमुवगएणं तेन चिंतियं जहा- किमेयं वावाइऊणं समुद्दिसामि किं वा णं इमीए पोग्गलं विक्किणिऊणं चेव अन्नं किंचिवि वणिमग्गाओ पडिगाहित्ताणं पाणवित्तिं करेमि ? नो णं अन्ने केइ जीव-संधारणोवाए संपयं मे हवेज्ज त्ति, अहवा हद्धी हा हा न जुत्तमिणं ति, किंतु जीवमाणिं चेव विक्किणामि त्ति, चिंतिऊणं विक्किया सुज्जसिरी महा-रिद्धी-जुयस्स चोद्दस-विज्जा-ढाण-पारगयस्स णं माहण-गोविंदस्स गेहे | तओ बहु-जनेहिं धि-द्धी सद्दोवहओ तं देसं परिचिच्चाणं गओ अन्न-देसंतंर सुज्जसिवो, तत्था वि णं पयट्टो सो, इत्येव विण्णाणे, जाव णं अन्नेसि कन्नगाओ अवहरित्ताणं अवहरित्ताणं अनत्थ विक्कणिऊणं चामेलियं सुज्जसिवेण बहुं दविण-जायं |
एयावसरम्मि उ समइक्कंते साइरेगे अट्ठ-संवच्छरे दुब्भिक्खस्स जाव णं वियलियमसेसविहवं तस्सावि णं गोविंद-माहणस्स । तं च वियाणिऊणं विसायमवगएणं चिंतियं गोयमा ! ते णं गोविंदमाहणेणं जहा णं होही संघारकालं मज्झ कुटुंबस्स, नाहं विसीयमाणे बंधवे खणद्धमवि दहणं सक्कुणोमि । ता किं कायव्वं संपयमम्हेहिं ? ति, चिंतियमाणस्सेव आगया गोउलाहिवइणो भज्जा खइयग -विक्किणत्थं तस्स गेहे जाव णं गोविंदस्स भज्जाए तंडुल-मल्लगेणं पडिगाहियाओ चउरो घन-विगइ-मीसखइयगं गोलियाओ तं च पडिगाहियमेत्तमेव ।
भणियं च महयरीए जहा णं- भट्टिदारिगे पयच्छाहि णं तमम्हाणं तंदुल-मल्लगं चिरं वट्टे जेणम्हे गोउलं वयामो | तओ समाणत्ता गोयमा ! तीए माहणीए सा सुज्जसिरी जहा णं हला तं जं अम्हाण नरवइणा निसावयं पहियं पेहियं तत्थ जं तं तंदुल-मल्लगं तमाणेहिं लहं जेणाहमिमीए पयच्छामि, जाव ढुंढिऊण नीहरिया मंदिरं सा सुज्जसिरी, नोवलद्धं तंदुल-मल्लगं | साहियं च माहणीए, पुणो वि भणियं माहणीए जहा- हला अमुगं अमुगं थामणुडुया अन्नेसिऊणमाणहिं । पुणो वि पइट्टा अलिंदगे जाव णं न पेच्छे ताहे समुट्ठिया सयमेव सा माहणी ।
जाव णं तीए वि न दिलु तओ णं सुविम्हिय-मानसा निउणं अन्नेसिउं पयत्ता जाव णं पेच्छे गणिगा-सहायं पढमसुयं पइरिक्के ओदनं समुद्दिसमाणं तेणावि पडिदई जननीं आगच्छमाणी चिंतियं अहन्नेणं जहा, णं चलिया अम्हाणं ओयणं अवहरिउकामा पायमेसा, ता जइ इहासन्नामागच्छिही अज्झयणं-८ / चूलिका-२
डिंभेहिं ।
तओ अहमेयं वावाइस्सामि त्ति चिंतियं तेणं भणिया दूरासन्ना चेव महाय सद्देणं सा माहणी जहा णं
दीपरत्नसागर संशोधितः]
[136]
[३९-महानिसीह