Agam 39 Mahanisiham Chattham Cheyasuttam Mulam PDF File

Author(s): Dipratnasagar, Deepratnasagar
Publisher: Deepratnasagar

Page 136

छाइक्कमे न रक्खे जो कत्थ सुद्धिं लभेज्ज सो । [१४७६] अप्पसत्थे य जे भावे परिणामे य दारुणे । पाणाइवायस्स वेरमणे एस पढमे अइक्कमे || [१४७७]तिव्व-रागा य जा भासा निडुर-खर फरुस-कक्कसा । मुसावायस्स वेरमणे एस बीए अइक्कमे ।। [१४७८] उग्गहं अजाइत्ता अचियत्तम्मि अवग्गहे । अदत्तादानस्स वेरमणे एस तइए अइक्कमे || [१४७९] सद्दा रूवा रसा गंधा फासाणं पवियारणे । मेहुणस्स वेरमणे एस चउत्थ अ इक्कमे ।। [१४८०] इच्छा मुच्छा य गेही य कंखा लोभे य दारुणे । परिग्गहस्स वेरमणे पंचमगे साइक्कमे ||
[१४८१] अइमित्ताहारहोइत्ता सूर - खेत्तम्मि संकिरे ।
राई- भोयणस्स वेरमणे एस छट्ठे अइक्कमे ||
[१४८२] आलोइय-निंदिय-गरहिओ वि कय- पायच्छित्त नीसल्लो । जयणं अयाणमाणो भव-संसारे भमे जहा सुसढो ||
[१४८३] भयवं ! को उण सो सुसढो ? कयरा वा सा जयणा ? जं अजाणमाणस्स णं तस्स आलोइय-निंदिय गरहिओ वि कय-पायच्छित्तस्सा वि संसारं नो विनिट्ठियं ? गोयमा ! जयणा नाम
अट्ठारसण्हं सीलंग सहस्साणं सत्तरस्स - विहस्स णं संजमस्स चोद्दसहं भूय-गामाणं तेरसहं किरिया - ठाणाणं सबज्झब्भंतरस्स णं दुवालस-विहस्स णं तवोणुट्ठाणस्स दुवालसाणं, भिक्खू पडिमाणं दसविहस्सणं समणधम्मस्स नवण्हं चेव बंभगुत्तीणं अट्ठण्हं तु पवयण-माईणं सत्तण्हं चेव पानपिंडेसणाणं छण्हं तु जीवनिकायाणं पंचण्हं तु महव्वयाणं तिण्हं तु चेव गुत्तीणं ।
जाव णं तिण्हमेव सम्मद्दंसण - नाण-चरित्ताणं तिण्हं तु भिक्खू कंतार- दुब्भिक्खायंकाईसु णं सुमहासमुप्पन्नेसु अंतोमुहुत्तावसेस कंठग्गय-पाणेसुं पि णं मनसा वि उ खंडणं विराहणं न करेज्ज न कारवेज्जा न समणुजाणेज्जा जाव णं नारभेज्जा न समारभेज्जा जावज्जीवाए त्ति । से णं जणा भत्ते, सेणं जया धुवे, से णं जयणाए दक्खे, से णं जयणाए - वियाणे, ति ।
गोयमा
सदस्
उ णं महती संकहा परम - विम्हय जननी य ।
• सत्तमं अज्झयणं - [ पदमा चलिया। समत्तं .
• अट्ठमं अज्झयणं-बिइया चूलिया •
[१४८४] से भयवं! केणं अट्ठेणं एवं वुच्चइ ? ते णं काले णं ते णं समएणं सुसढनामधेज्जे अनगारे हभूयवं । तेणं च एगेगस्स णं पक्खस्संतो पभूय-ट्ठाणिओ आलोयणाओ विदिन्नाओ सुमहंताई च । अच्चंत-घोर-सुदुक्कराइं पायच्छित्ताणं समणुचिन्नाई । तहा वि तेणं विरएणं विसोहिपयं न समुवलद्धं ति एतेणं अद्वेणं एवं वुच्चइ |
अज्झयणं-८ / चूलिका-२
से भयवं! केरिसा उ णं तस्स सुसढस्स वत्तव्वया ? गोयमा ! अत्थि इहं चेव भारहेवासे
[135]
[३९-महानिसीह]
[ दीपरत्नसागर संशोधितः ]