Agam 39 Mahanisiham Chattham Cheyasuttam Mulam PDF File

Author(s): Dipratnasagar, Deepratnasagar
Publisher: Deepratnasagar

Page 124

भत्तट्ठाए वा पाणट्ठाए वा भेसज्जट्ठाए वा सकज्जेण वा गुरु-कज्जेण वा पविट्ठो गामे वा नगरे वा रायहाणीए वा तिय- चउक्क-चच्चर - परिसा - गिहे इ वा तत्थ कहं वा विकहं वा पत्थावेज्जा, उट्ठावणं । सोवाहणो परिसक्केज्जा उवट्ठाणं । उवाहणाओ न पडिगाहेज्जा, खवणं । तारिसे णं सविहाणगे उवाहणाओ न परिभुंजेज्जा, खवणं ।
गओ वा ठिओ वा केणइ पुट्ठो निउणं महुरं थोवं कज्जावडियं अगव्वियं अतुच्छं निद्दोसं सयल-जनमनानंद-कारयं इह पर लोग सुहावहं वयणं न भासेज्जा, अवंदे ।
जइ णं नाभिग्गहिओ सोलस-दोस - विरहियं पी स- सावज्जं भासेज्जा, उवट्ठावणं । बहु भासे, उवट्ठावणं । पडिनियं भासे, उवट्ठाणं । कसाएहिं जिज्जे, अवंदे । कसाएहिं समुइण्णेहिं भुंजे रयणिं वा परिवसेज्जा, मासं जाव मुणव्वए अवंदे य उवट्ठाणं च । परस्स वा कस्सइ कसाए समुइरेज्जा दरकसायस्स वा कसाय-वुड्ढि करेज्जा मम्मं वा किंचि बोलेज्जा, एतेसुं गच्छ-बज्झो ।
फरुसं भासे, दुवालसं । कक्कसं भासे, दुवालसं । खर-फरुस-कक्कस- निडुरमनिट्ठे भासे, उवट्ठावणं । दुब्बोल्लं देइ, खमणं । कलिं किलिकिंचं कलहं झं झं डमरं वा करेज्जा, गच्छ-बज्झो । मगार-जगारं वा बोल्ले, खमणं । बीय-वाराए, अवंदे । वहतो, संघ- बज्झो । हणतो, संघ-बज्झो । एवं खणंतो भजंतो ल्हसंतो लूडंतो जालेंतो जालावेंतो पयंतो पयावेंतो एतेसुं सव्वेसुं पत्तेगं, संघ-बज्झो । गुरुं पडिसूरेज्जा अन्नं वा मयहराइयं कहिं चि हीलेज्जा, गच्छायारं वा संघायारं वा वंदन - पडिक्कमणमाइ मंडली - धम्मं वा अइक्कमेज्जा, अविहीए पव्वावेज्ज वा उवट्ठावेज्ज वा, अओग्गस्स वा सुत्तं वा अत्थं वा उभयं वा परुवेज्जा, अविहिए सारेज्ज वा वारेज्ज वा चोएज्ज वा, विहीए वा सारणवारण चोयणं न करेज्जा उम्मग्ग-पट्ठियस्स वा जहा विहीए जाव णं सयल-जन-सण्णिज्झं परिवाडिए न भासेज्जा हियं भासं स- पक्ख गुणावहं एतेसुं सव्वेसुं पत्तेगं कुल-गण- संघ-बज्झो । कुल-गण-संघबज्झीकयस्स णं अच्चंत घोर-वीर-तवाणुट्ठानाभिरयस्सा वि णं गोयमा ! अप्पेही तम्हा कुल-गण-संघबज्झीकयस्स णं खणखण-द्धघडिग - घडिगद्ध वा न चिट्ठेयव्वं ति ।
अप्पुच्चुप्पेहिए थंडिल्ले उच्चारं वा पासवणं वा खेल्लं वा सिंघाणं वा जल्लं वा परिट्ठवेज्जा निसीयंतो संडासगे न पमज्जेज्जा, निव्विगइयायंबिलं अहक्कमेणं । भंड-मत्तोवगरण-जायं जं किंचि दंडगाई ठवंते इ वा निक्खिवंते इ वा साहरंते इ वा पडिसाहरंते इ वा गिण्हंते इ वा पडिगिण्हंते इ वा अविहीए ठवेज्ज वा निक्खिवेज्ज वा साहरेज्ज वा पडिसाहरेज्ज वा गिण्हेज्ज वा पडिगिण्हेज्ज वा एतेसुं असंसत्त-खेत्ते, पत्तेगं चउरो आयंबिले । संसत्तखेत्ते, उवद्वाणं ।
दंडगं वा रयहरणं वा पाय-पुच्छणं वा अंतरकप्पगं वा चोल-पट्टगं वा वासाकप्पं वा जाव णं मुहनंतगं वा अन्नयरं किंचि संजमोवगरण-जायं अप्पडिलेहियं वा दुप्पडिलेहियं वा ऊणाइरित्तं गणणा पमाणेणं वा परिभुंजे, खवणं सव्वत्थ पत्तेगं । अविहीए नियंसणुत्तरीयं रयहरणं दंडगं वा परिभुंजे, चउत्थं । सहसा रयहरणं खवे निक्खिवइ, उवट्ठावणं । अंगं वा उवंगं वा संबाहावेज्जा, खवणं । रयहरण-सुसंघट्टे, चउत्थं । पमत्तस्स सहसा मुहनंतगाइ किं चि संजमोवगरणं विप्पनस्से, तत्थ णं जाव खमोट्ठाव अज्झयणं-७ / चूलिका-१
जोगं गवेसणं मिच्छुक्कड - वोसिरणं पडिगाहणं च ।
आउकाय-तेउकायस्स णं संघट्टणाई एगंतेणं निसिद्धे । जो ऊण जोइए अंतलिक्खबिंदु-वारेहिं वा आउत्तो वा अनाउत्तो वा सहसा फुसेज्जा, तस्स णं पकहियं च एवायंबिलं । इत्थीणं अंगावयवं किंचि [दीपरत्नसागर संशोधितः ]
[123]
[३९-महानिसीह]