Agam 39 Mahanisiham Chattham Cheyasuttam Mulam PDF File

Author(s): Dipratnasagar, Deepratnasagar
Publisher: Deepratnasagar

Page 125

हत्थेण वा पाएण वा दंडगेण वा कर-धरिय-कुसग्गेण वा चलणक्खेवेण वा संघट्टे, पारंचियं । सेसं पुणो वि सत्थाणे पबंधेण भाणीहई । एवं तु आगयं भिक्खा-कालं | एयावसम्ही उ गोयमा ! जे णं भिक्खू पिंडेसणाभिहिएणं विहिणा अदीन-मनसो ।
[१३८३] वज्जेंतो बीय-हरीयाइं पाणे य दग-मट्टियं ।
उववायं विसमं खाणुं रन्ना गिहवईणं च ।।
[१३८४] संकट्ठाणं विवज्जतो, पंच-समिय-ति-गुत्तो गोयर-चरियाए पाहुडियं न पडियरिया, तस्स णं चउत्थं पायच्छित्तं उवइसेज्जा | जड़ णं नो अभत्तट्ठी ठवणा-कलेस पविसे, खवणं । सहसा पडिवुत्थं पडिगाहियं तक्खणा न परिट्ठवे निरुवद्दवे थंडिले, खवणं । अकप्पं पडिगाहेज्जा, चउत्थाइ । जहा जोगं कप्पं वा पडिसेहेइ, उवट्ठावणं | गोयर-पविट्ठो कहं वा विकहं वा उभय-कहं वा पत्थावेज्ज वा उदीरेज्ज वा कहेज्ज वा निसामेज्ज वा, छटुं | गोयर-मागओ य भत्तं वा पानं वा भेसज्जं वा जं जेण चित्तियं, जं जहा य चित्तियं, जहा य पडिगाहियं तं तहा सव्वं नालोएज्जा, पुरिवड्ढं ।
इरियाए अपडिक्कंताए भत्त-पाणाइयं आलोएज्जा, परिवड्ढं | ससरक्खेहिं पाएहिं अपमज्जिएहिं, इरियं पडिकमेज्जा परिमड्ढं । इरियं पडिक्कमिउकामो तिन्नि वाराओ चलणगाणं हिट्ठिमभमि-भागं न पमज्जेज्जा, निव्विइयं । कण्णोट्ठियाए वा महनंतगेण वा विना इरियं पडिक्कमे, मिच्छदुक्कडं पुरिमड्ढं वा । पाहुडियं आलोइत्ता सज्झायं पट्ठावित्तुं तिसराइं धम्मोमंगलाइं न कड्ढेज्जा, चउत्थं | धम्मो मंगलगेहिं च णं अपयट्टिएहिं चेइय-साहूहिं च अवंदिएहिं पारावेज्जा, पुरिवड्ढं | अपाराविएणं भत्तं वा पानं वा भेसज्जं वा परिभुजे, चउत्थं | गुरुणो अंतियं न पारावेज्जा नो उवओगं करेज्जा नो णं पाहुडियं आलोएज्जा न सज्झायं पट्टावेज्जा, एतेसुं पत्तेयं उवट्ठावणं | गुरु वि य जेणं नो उवउत्ते हवेज्जा, से णं पारंचियं ।
साहम्मियाणं संविभागेणं अविइन्नेणं जं किंचि भेसज्जाइ परिभंजे, छटुं | भंजंते इ वा परिवेसंते इ वा पारिसाडिं करेज्जा, छटुं । तित्त-कडुय-कसायंबिल-महुर-लवणाइं रसाइं आसायंते इ वा पलिसायंते इ वा परिभुजे, चउत्थं । तेसु चेव रसेसुं रागं गच्छे, खमणं अट्ठमं वा । अकएणं काउसग्गेणं विगइं परिभुंजे, पंचेवायंबिलाणि | दोण्हं विगइणं उड्ढं परिभुंजे, पंच निव्विगइयाणि । अकारणिगो विगइपरिभोगं कज्जा , अट्ठमं ।
असनं वा पानं वा भेसज्जं वा गिलाणस्स अइण्णाणुच्चरियं परिभुजे, पारंचियं । गिलाणेणं अपडिजागरिएणं भुंजे, उवट्ठावणं सव्वमवि निय-कत्तव्वं परिचेच्चाणं गिलाण-कत्तव्वं न करेज्जा, अवंदे । गिलाण-कत्तव्वमालंबिऊणं नियय-कत्तव्वं पमाएज्जा, अवंदे । गिलाण-कप्पं न उत्तारेज्जा, अट्ठमं । गिलाणेण सद्दिरे एग-सद्देणागतं जमाइसे तं न कुज्जा, पारंचिए | नवरं जइ णं से गिलाणे सत्थ-चित्ते अहा णं संन्निवायादीहिं उब्भामिय-मानसे हवेज्जा तओ जमेव गिलाणेणमाइट्टं तं न कायव्वं तस्स जहाजोगं कायव्वं न करेज्जा, संघबज्झो ।
आहाकम्म वा उद्देसियं वा पूइकम्मं वा मीस-जायं वा ठवणं वा पाहुड़ियं वा पाओयरं वा अज्झयणं-७ / चूलिका-१
कीयं वा पामिच्चं वा पारियट्टियं वा अभिहडं वा उब्भिण्णं वा मालोहडं वा अच्छेज्जं वा अनिसटुं वा अज्झोयरं वा धाई-दुई-निमित्तेणं आजीववणिमग-तिगिच्छा-कोह-मान-माया-लोभेणं पव्विं संथव-पच्छासंथव विज्जा-मंत-चुण्ण-जोगे संकिय-मक्खिय-निक्खित्त-पिहिय-साहरिय-दाय-गुम्मीस-अपरिणय-लित्त[दीपरत्नसागर संशोधितः]
[124]
[३९-महानिसीह