Agam 39 Mahanisiham Chattham Cheyasuttam Mulam PDF File

Author(s): Dipratnasagar, Deepratnasagar
Publisher: Deepratnasagar

Page 127

अपच्चुप्पेहिए थंडिल्ले संथारेइ, दुवालसं । अविहीए संथारेज्जा, चउत्थं । उत्तर-पट्टगेणं विना संथारेइ, चउत्थं । दोउडं संथारेज्जा, चउत्थं । कुसिरणप्पयादी संथारेज्जा, सयं आयंबिलाणि ।
सव्वस्स समण-संघस्स साहम्मियाणमसाहम्मियाणं च सव्वस्सेव जीव-रासिस्स सव्वभावभावंतरेहि णं तिविहं तिविहेणं खामण-मरिसावणं अकाऊणं चेइएहिं तु अवंदिएहिं गुरु-पायमूलं च उवही-देहस्सासनादीणं च सागारेणं पच्चक्खाणेणं अकएणं कण्ण-विवरेसुं च कप्पास-रूवेणं अट्ठइएहिं संथारगम्ही ठाएज्जा, एएसुं पत्तेगं उवट्ठावणं ।
संथारगम्ही उ ठाऊणमिमस्स णं धम्म-सरीरस्स गुरु-पारंपरिएणं समवलद्धेहिं त इमेहिं परममंतक्खरेहिं दससु वि दिसासु अहि-करि-हरि-दुट्ठ-मंत-वाणमंतर-पिसायादीणं रक्खं न करेज्जा, उवट्ठाणं | दससु वि दिसासु रक्खं काऊणं दुवालसहिं भावनाहिं अभावियाहिं सोवेज्जा, पणुवीसं आयंबिलाणि | एक्कं निदं सोऊणं पडिबुद्धे इरियं पडिक्कमेत्ताणं पडिक्कमणं- कालं जाव सज्झायं न करेज्जा, दुवालसं । पसुत्ते दुसुमिणं वा कुसुमिणं वा ओगाहेजा सएणं, उसासेणं काउस्सग्गं । रयणीए छीएज्ज वा खासेज्ज वा फलहग-पीढग-दंडगेण वा खडुक्कगं पउरिया, खमणं । दीया वा राओ वा हास-खेड्ड-कंदप्प-नाहवायं करेज्जा , उवट्ठावणं ।
एवं जे णं भिक्खू सुत्ताइक्कमेणं कालाइक्कमेणं आवासगं कुव्वीया तस्स णं कारणिगस्स मिच्छुक्कडं गोयमा! पायच्छित्तं उवइसेज्जा । जे य णं अकारणिगे, तेसिं तु णं जहा-जोगं चउत्थाइए उवएसे य । जे णं भिक्ख सद्दे करेज्जा सद्दे उवइसेज्जा सद्दे गाढागाढ-सद्दे य. सव्वत्थ पड-पयं पत्तेयं सव्व-पएसुं संबज्झावेयव्वे |
___एवं जे णं भिक्खू आउकायं वा तेउकायं वा इत्थी-सरीरावयवं वा संघट्टेज्जा नो णं परिभुजेज्जा, से णं तस्स पणुवीसं आयंबिलणि उवइसेज्जा । जे उ णं परिभुजेज्जा दुरंत-पंत-लक्खणे अदहव्वे महा-पाव-कम्मे पारंचिए ।
अहा णं महा-तवस्सी हवेज्जा, तओ सयरिं मासखवणाणं सयरिं अद्ध-मास-खवणाणं सयरिं द्वालासाणं सयरिं दसमाणं सयरिं अट्ठमाणं सयरिं छट्ठाणं सयरिं चउत्थाणं सयरिं आयंबिलाणं सयरिं एगट्ठाणं सयरिं सुद्धायामेगासणाणं सयरिं निव्विगइयाणं जाव णं अनुलोम-पडिलोमेणं निद्दिसेज्जा एयं च पच्छित्तं जे णं भिक्खू अविसंते समणुढेज्जा से णं आसण्ण-पुरेक्खडे नेए |
[१३८५] से भयवं ! इणमो सयरिं सयरिं अनलोम-पडिलोमेणं केवतिय-कालं जाव समनुट्ठिहिइ ? गोयमा ! जाव णं आयारमंगं वाएज्जा | भयवं ! उड्ढं पुच्छा गोयमा ! उड्ढं केई समनुढेज्जा केइ नो समनुढेज्जा । जे णं समनुढेज्जा से णं वंदे से णं पुज्जे से णं दहव्वे से णं सुपसत्थ सुमंगले सुगहियनामधेज्जे तिण्हं पि लोगाणं वंदणिज्जे त्ति । जे णं तु नो समनुट्टे, से णं पावे से णं महापावे से णं महापाव-पावे से णं दुरंत-पंत-लक्खणे जाव णं अदहव्वे त्ति ।
[१३८६] जया णं गोयमा ! इणमो पच्छित्तसुत्तं वोच्छिज्जिहिइ तया णं चंदाइच्चा गहारिक्खा-तारगाणं सत्त-अहोरत्ते तेयं नो विप्रेज्जा | अज्झयणं-७ / चूलिका-१
__[१३८७] इमस्स णं वोच्छेदे गोयमा ! कसिणस्स संजमस्स अभावो, जओ णं सव्व-पावनिट्ठवगे चेव पच्छित्ते सव्वस्स णं तवसंजमानुट्ठाणस्स पहाणमंगे परम-विसोही-पए पवयणस्सावि णं नवनीय-सारभए पन्नत्ते । [दीपरत्नसागर संशोधितः]
[126]
[३९-महानिसीह