Agam 39 Mahanisiham Chattham Cheyasuttam Mulam PDF File

Author(s): Dipratnasagar, Deepratnasagar
Publisher: Deepratnasagar

Page 128

[१३८८] इणमो सव्वमवि पायच्छित्ते गोयमा ! जावइयं एत्थ संपिंडियं हवेज्जा तावइयं चेव एगस्स णं गच्छाहिवइणो मयहर-पवत्तिणीए य चउगुणं उवइसेज्जा, जओ णं सव्वमवि एएसिं पयंसियं हवेज्जा अहाणमिमे चेव पमायवसं गच्छेज्जा, तओ अन्नेसिं संते धी-बल-वीरिए सुट्टुतरागमच्चुज्जमं हवेज्जा । अहा णं किं चि सुमहंतमवि तवानुट्ठाणमब्भुज्जमेज्जा, ता णं न तारिसाए धम्म-सद्धाए किं तु मंदुच्छाहे समणुट्ठेज्जा । भग्गपरिणामस्स य निरत्थगमेव काय-केसे । जम्हा एयं तम्हा उ अच्चिंतानंत-निरनुबंधि - पुन्न- पब्भारेणं संजुज्जमाणे वि साहुणो न संजुज्जंति, एवं च सव्वमवि गच्छाहिवइयादीणं दोसेणेव पवत्तेज्जा । एएणं अट्ठेणं एवं पवुच्चइ गोयमा जहा णं गच्छाहिवइयाईणं इणमो सव्वमवि पायच्छित्तं जावइयं एत्थ संपिंडियं हवेज्जा तावइयं चेव चउगुणं उवइसेज्जा । [१३८९] से भयवं ! जे णं गणी अप्पमादी भवित्ताणं सुयानुसारेणं जहुत्त-विहाणेहिं व सययं अहन्निसं गच्छं न सारवेज्जा, तस्स किं पच्छित्तमुवइसेज्जा ? गोयमा ! अप्पउत्ती पारंचियं
उवइसेज्जा ।
से भयवं ! जस्स उ णं गणिणो सव्व पमायालंबनविप्पमुक्कस्सावि णं सुयानुसारेणं जहुत्तविहाणेहिं चेव सययं अहन्निसं गच्छं सारवेमाणस्सेव केइ तहाविहे दुट्ठसीले न सम्मग्गं समायारेज्जा, तस्स वी उ किं पच्छित्तमुवइसेज्जा ? गोयमा ! उवइसेज्जा । से भयवं के णं अट्ठेणं ? गोयमा ! जओ णं तेणं अपरिक्खिय-गुणदोसे निक्खमाविए हवेज्जा, एएणं । से भय ! किं तं पायच्छित्तमुवइसेज्जा ? गोयमा ! जे णं एवं गुणकलिए गणी से णं जया एवंविहे पावसीले गच्छेतिविहं तिविहेणं वोसिरेत्ताणमाय - हियं न समनुट्ठेज्जा, तया णं संघ - बज्झे-उवइसेज्जा ।
से भयवं ! जया णं गणिणा गच्छे तिविहेणं वोसिरिए हवेज्जा तया णं ते गच्छे आदरेज्जा, गोयमा! जइ संविग्गे भवित्ताणं जहुत्तं पच्छित्तमनुचरित्ताण अन्नस्स गच्छाहिवइणो उवसंपज्जित्ताणं सम्मग्गमनुसरेज्जा तओ णं आयरेज्जा । अहा णं सच्छंदत्ताए तहेव चिट्ठे, न उ णं चउव्विहस्सा वि समण - संघस्स बज्झं, तं गच्छं नो आयरेज्जा |
[१३९०] से भयवं ! जया णं से सीसे जहुत्त - संजम-किरियाए पवट्टंति तहाविहे य केई कुगुरू तेसिं दिक्खं परूवेज्जा तया णं सीसा किं समनुट्ठेज्जा ? गोयमा ! घोर - वीर - तव - संजमे, से भयवं ! कहं ? गोयमा ! अन्न गच्छे पविसित्ताणं । से भयवं ! जया णं तस्स संतिएणं सिरिगारेणं विम्हि समाणे अन्न-गच्छेसुं पवेसमेव न लभेज्जा तया णं किं कुव्विज्जा ? गोयमा ! सव्व-पयारेहिं णं तं तस्स संतियं सिरियारं फुसावेज्जा, से भयवं ! केणं पयारेणं तं तस्स संतियं सिरियारं सव्व-पयारेहि णं फुसियं हवेज्जा ? गोयमा! अक्खरेसुं, से भयवं! किं नामे ते अक्खरे ? गोयमा ! जहा णं अप्पडिग्गाही कालकालंतरेसुं पि अहं इमस्स सीसाणं वा सीसिणीगाणं वा । से भयवं ! जया णं एवंविहे अक्खरे न प्पयादी, गोयमा ! जया णं एवंविहे अक्खरे न प्पयादी तया णं आसन्न - पावयणीणं पकहित्ताणं चउत्थादीहिं समक्कमित्ताणं अक्खरे दावेज्जा |
से भयवं! जया णं एएणं पयारेणं से णं कुगुरु अक्खरे न पदेज्जा तया णं किं कुज्जा ? गोयमा! जया णं एएणं पयारेणं से णं कुगुरू अक्खरे न पदेज्जा, तया णं संघ-बज्झे उवइसेज्जा | से अज्झयणं-७ / चूलिका-१
भयवं! केणं अट्ठेणं एवं वच्चइ ? गोयमा ! सुदुप्पयहे इणमो महा-मोह-पासे गेह-पासे तमेव विप्पहित्ताणं अनेग सारीरग-मनो- समुत्थ-चउ-गइ-संसार- दुक्ख-भय-भीए-कह-कहादी- मोह-मिच्छत्तादीणं खओव[दीपरत्नसागर संशोधितः]
[३९-महानिसह]
[127]