Agam 06 Ang 06 Gnatadharma Sutra Shwetambar

Author(s): Purnachandrasagar
Publisher: Jainanand Prakashan

Page 163

Acharya Shri Kailashsagarsuri Gyanmandir
| पासावडिंसए अपासमाणी जेणेव पुरच्छिमिले वणसंडे जाव सव्वतो समंता मग्गणगवेसणं करेति त्ता तेसिं मायंदियदार गाणं कत्थइ सुतिं वा० अलभमाणी जेमेव उत्तरिल्ले एवं चेव पच्चत्थिमिल्लेवि जाव अपासमाणी ओहिं पउंजति, ते मागंदियदारए सेलएणं सद्धिं लवणसमुद्द मज्झमज्झेणं वीइवयमाणे २ पासति त्ता आसुरुता असिखेडगं गेण्हति त्ता सत्तट्ट जाव उप्पयति ता ताए उक्किट्ठाए जेणेव भागंदिय० तेणेव उवा० त्ता एवं व० - हंभो मागंदिय० अम्पत्थियपत्थिया किण्णं तुम्भे जाणह ममं विप्पजहाय सेलएणं जक्खेणं सद्धिं लवणसमुदं मज्झंमज्झेणं वीतीवयमाणा ? तं एवमवि गए जइ णं तुब्भे ममं अवयक्खह तो भे अत्थि जीवियं, अहण्णं णावयक्खह तो भे इमेणं नीलुप्पलगवल जाव एडेमि, तते णं ते मागंदियदारया रयणदीवदेवयाए अंतिए एयमहं सोणा णिसम्म अभीया अतत्था अणुव्विग्गा अक्खुभिया असंभंता रयणदीवदेवयाए एयमहं नो आढंति नो परि० णो अवयक्खंति, अणाढायमाणा अपरि० अणवयक्खमाणा सेलएण जकखेण सद्धिं लवणसमुहं मज्झमज्झेणं वीतिवयंति, तते णं सा रयणदीवदेवया ते मागंदिया जाहे नो संचाएति बहूहिं पडिलोमेहि य उवसग्गेहि च चालित्तए वा खोभित्तए वा विपरिणामित्तए वा लोभित्तए वा ताहे महुरेहिं सिंगारेहि य कलुणेहि य उवसग्गेहि य उवसग्गेउं पयत्ता यावि होत्था, हंभो मागंदियदारगा ! जति णं तुब्भेहिं देवाणुपिया ! मए सद्धिं हसियाणि |य रमियाणि य ललियाणि य कीलियाणि य हिंडियाणि य मोहियाणि य ताहे णं तुब्भं सव्वातिं अगणेमाणा ममं विष्पजहाय सेलएणं |सद्धिं लवणसमुहं मज्झंझेणं वीइवयह तते ग सा रयणदीवदेवया जिणरक्खियस्स मणं ओहिणा आभोएति० ता एवं वदासी ॥ श्रीज्ञाताधर्मकथाङ्गम् ॥
१५१
पू. सागरजी म. संशोधित
For Private And Personal