Agam 06 Ang 06 Gnatadharma Sutra Shwetambar

Author(s): Purnachandrasagar
Publisher: Jainanand Prakashan

Page 262

Acharya Shri Kailashsagarsun Gyanmandir
|जणवयविहारं विहरित्तए, तत्थेव ओसण्णे जाए, तते णं से पोंडरीए इभीसे कहाए लद्धढे समाणे, बहाए अंतेउरपरियालसंपरिखुडे||
जेणेव कंडरीए अणगारे तेणेव उवा. त्ता कंडरीयं तिक्खुतो आयाहिणं पयाहिणं करेइ त्ता वंदति णमंसति त्ता एवंव०- धन्नेसिणं तुम देवा०! कयत्थे क्यपुन्ने क्यलक्खणे सुलद्धे णं देवा०! तव माणुस्सए जम्मजीवियफले जेणं तुभं रज्जं च जाव अंतेउरं च छड्डइत्ता विगोवइत्ता जाव पव्वतिए, अहं णं अहणणे अकयपुन्ने रज्जे जाव अंतेउरे य माणुस्सएसु य कामभोगेसु मुच्छिए जाव अझोववन्ने नो संचाएभि जाव पव्वतित्तए, तं धने सिणं तुभं देवा०! जाव जीवियफले, तते णं से कंडरीए अणगारे पुंडरीयस्स एयमटुं णो आढाति जाव संचिठ्ठति, तते णं कंडरीए पोंडरीएणं दोच्चंपि तच्चंपि एवं वुत्ते समाणे अकामए अवससवसे लजाए गारवेणय पोंडरीयं रायं आपुच्छति त्ता थेरेहिं सद्धिं बहिया जणवयविहारं विहरति, तते णं से कंडरीए थेरेहिं सद्धिं किंचिकालं उग्गंउम्गेणं विहरति, ततो पच्छ। समणत्तणपरितंते समणत्तणणेविण्णे समणत्तणणिब्भत्थिए समणगुणमुक्कजोगी थेराणं अंतियाओ सणियं २ पच्चोसक्कति त्ता जेणेव पुंडरीगिणी णयरी जेणेव पुंडरीयस्स भवणे तेणेव उवा० असोगवणियाए असोगवरपायवस्स अहे पुढवीसिलापट्टगंसि णिसीयति त्ता ओहयमणसंकप्पे जाव झियायमाणे संचिट्ठति, तते णं तस्स पोंडरीयस्स अम्मघाती जेणेव असोगवणिया तेणेव उवा० ता कंडरीयं अणगारं असोगवरपायवस्स अहे पुढवीसिलावट्टयंसि ओहयमणसंकप्पं जाव झियायमाणं पासति त्ता जेणेव पोंडरीए राया तेणेव उवा० त्ता पोंडरीय रायं एवं व०- एवं खलु देवा०! तव पिउभाउए कंडरीए अणगारे असोगवणिआए असोगवरपायवस्स अहे ॥श्रीशानाधर्मकथाङ्गम् ॥
२५०
| पू. सागरजी म. संशोधित ||
For Private And Personal