Agam 06 Ang 06 Gnatadharma Sutra Shwetambar

Author(s): Purnachandrasagar
Publisher: Jainanand Prakashan

Page 268

Shri Mahave Jain Aradhana Kendra
Acharya Sh Kalashsagarsur Gyanmandir
भगवं महावीरं वंदति णमंसति त्ता एवं व० -कालीए णं भते! देवीए सा दिव्वा देवड्डी० कहिं गया० कूडागारसालादिलुतो, अहो णं|| भते! काली देवी महिड्डिया, कालीए णं भंते! देवीए सा दिवा देविड्डी० किण्णा लद्धा किण्णा पत्ता किण्णा अभिसमण्णागया? एवं जहा सूरियाभस्स जाव एवं खलु गोयमा! तेणं कालेणं० इहेव जंबुद्दीवे दीवे भारहे वासे आमलकप्या णाम् णयरी होत्था वण्णओ अंबसालवणे चेइए जियसत्तू राया, तत्थ णं आमलकप्याए नयरीए काले नामं गाहावती होत्था अड्डे जाव अपरिभूए, तस्स णं कालस्स गाहावइस्स कालसिरी णामं भारिया होत्था, सुकुमाल जाव सुरूवा, तस्स णं कालगस्स गाहावतिस्स धूया कालसिरीए भारियाए अत्तया काली णामं दारिया होत्था, वड्डा वड्डकुमारी जुण्णा जुण्णकुमारी पडियपुयत्थणी णिव्विन्नवरा वरपरिवजिया यावि होत्था, तेणं कालेणं० पासे अहा पुरिसादाणीए आइगरे जहा वद्धमाणसामी णवरं णवहत्थुस्सेहे सोलसहिं समणसाहस्सीहिं अट्ठत्तीसाए अज्जियासाहस्सीहिं सद्धिं संपरिवुडे जाव अंबसालवणे समोसढे परिसा णि जाव पज्जुवासति, ततेणं सा काली दारिया इमीसे कहाए लद्धट्ठा सभाणी हट्ठजावहिय्या जेणेव अम्मापियरो तेणेव उवा० त्ता कयल जाव एवं व० -एवं खलु अम्मयाओ! पासे अरहा पुरिसादाणीए आइगरे जाव विहरति तं इच्छामि णं अम्मयाओ! तुब्भेहिं अब्भणुन्नाया समाणी पासस्स अरहओ पुरिसादाणीयस्स पायवंदिया गमित्तए?, अहासुहं देवा०! मा पडिबंधं करेहि, तते णंसा कालिया दारिया अम्मापिईहिं अब्भणुनया समाणी हट्ठजावहिय्या ण्हाया क्यबलिकम्मा कयकोउयमंगलपायच्छित्ता सुद्धप्यावेसाई मंगल्लातिं वत्थातिं पवर परिहिया अप्यमहग्याभरणालंकियसरीरा ॥ श्रीज्ञाताधर्मकथाङ्गम् ॥
[पू. सागरजी म. संशोधित
For Private And Personal