Agam 06 Ang 06 Gnatadharma Sutra Shwetambar

Author(s): Purnachandrasagar
Publisher: Jainanand Prakashan

Page 270

Acharya Shri Kailashsagarsuri Gyanmandir
| भित्तणाइणियगसयणसंबंधिपरियणं आमंतेति ता ततो पच्छा पहाए जाव विपुलेणं पुप्फवत्थगंधमल्लालंकारेणं सक्कारेत्ता सम्माणेत्ता तस्सेव मित्तणातिणियगसयणसंबंधिपरियणस्स पुरतो कालियं दारियं सेयापीएहिं कलसेहिंण्हावेति ता सव्वालंकारविभूसियं करेति त्ता पुरिससहस्सवाहिणीं सीयं दुरुहेति त्ता मित्तणाइणियगसयणसंबंधिपरियणेणं सद्धिं संपरिवुडे सव्विड्डीए जाव खेणं आमलकप्पं नयरिं मज्झेणं णिग्गच्छति ता जेणेव अंबसालवणे चेइए तेणेव उवा० ता छत्ताइए तित्थगराइसए पासति ता सीयं ठवेइ ता कालियं दारियं अम्मापियरो पुरओ काउं जेणेव पासे अरहा पुरिसा० तेणेव उवा० ता वंदइ नमसइ ता एवं व० - एवं खलु देवा० ! काली दारिया अम्हं धूया इट्ठा कंता जाव किमंग पुण पासणयाए ?, एस णं देवा ० ! संसार भउ व्विग्गा इच्छइ देवाणुपियाणं अंतिए मुंडा भवित्ताणं जाव पव्वइत्तए, तं एयं णं देवाणुपियाणं सिस्सिणिभिक्खं दलयामो पडिच्छंतु णं देवाणुम्पिया ! सिस्सिणिभिक्खं, अहासुहं | देवाणुपिया ! मा पडिबंधं०, तते णं काली कुमारी पासं अरहं वंदति त्ता उत्तरपुरच्छिमं दिसिभागं अवक्क्रमति त्ता सयमेव आभरणमल्लालंकारं ओमुयति त्ता सयमेव लोयं करेति त्ता जेणेव पासे अरहा पुरिसादाणीए तेणेव उवा० ता पासं अरहं तिखुत्तो वंदति ता एवं व० - आलित्ते णं भंते! लोए एवं जहा देवाणंदा जाव सयमेव पव्वाविडं, तते णं पासे अरहा पुरिसादाणीए कालिं सयमेव० पुष्फचूलाए अज्जाए सिस्सणियत्ताए दलयति, तते णं सा पुप्फचूला अज्जा कालिं कुमारिं सयमेव पव्वावेति जाव उवसंपज्जित्ताणं विहरति, तते गं सा काली अज्जा जाया ईरियासमिया जाव गुत्तबंभयारिणी, तते णं सा काली अज्जा पुष्पचूलाअज्जाए अंतिए सामाइयमाइयातिं
॥ श्रीज्ञाता धर्मकथाङ्गम् ॥
२५८
पू. सागरजी म. संशोधित
For Private And Personal