Agam 03 Thanam Taiam Angsuttam Mulam PDF File

Author(s): Dipratnasagar, Deepratnasagar
Publisher: Deepratnasagar

Page 4

ठाणं-१, उद्देसो
[२९] एगा तक्का । [३०] एगा सण्णा । [३१] एगा मन्ना । [३२] एगा विन्न । [३३] एगा वेयणा । [३४] एगे छेयणे । [३५] एगे भेयणे । [३६] एगे मरणे अंतिमसारीरियाणं । [३७] एगे संसुद्धे अहाभूए पत्ते । [३८] एगे दुक्खे जीवाणं एगभूए । [३९] एगा अहम्मपडिमा जं से आया परिकिलेसति । [४०] एगा धम्मपडिमा जं से आया पज्जवजाए ।
[४१] एगे मणे देवासुरमणुयाणं तंसि तंसि समयंसि, एगा वई देवासुरमणुयाणं तंसि तंसि समयंसि, एगे काय-वायामे देवासुरमण्याणं तंसि तंसि समयंसि |
[४२] एगे उट्ठाण-कम्म-बल-वीरिय-पुरिसकार-परक्कमे देवासुरमण्याणं तंसि तंसि समयंसि
[४३] एगे नाणे एगे दंसणे एगे चरित्ते । [४४] एगे समए । [४५] एगे पएसे, एगे परमाणू । [४६] एगा सिद्धि, एगे सिद्धे, एगे परिनिव्वाणे, एगे परिनिव्वए ।
[४७] एगे सद्दे, एगे रूवे, एगे गंधे, एगे रसे, एगे फासे, एगे सुब्भिसद्दे, एगे दुब्भिसद्दे, एगे सुरूवे, एगे दुरूवे, एगे दीहे, एगे हस्से, एगे वट्टे, एगे तंसे, एगे चउरंसे, एगे पिहले, एगे परिमंडले, एगे किण्हे, एगे नीले, एगे लोहिए, एगे हालिद्दे, एगे क्किल्ले, एगे सब्भिगंधे, एगे दुब्भिगंधे, एगे तित्ते, एगे कडुए, एगे कसाए, एगे अंबिले, एगे महरे, एगे कक्खडे, जाव एगे लक्खे ।
[४८] एगे पाणातिवाए, [एगे मुसावाए एगे अदिण्णादाणे एगे मेहणे एगे] परिग्गहे, एगे कोहे, [एगे माने एगा माया एगे] लोभे, एगे पेज्जे, एगे दोसे, एगे कलहे, एगे अब्भक्खाणे, एगे पेसुन्ने, एगे परपरिवाए, एगा अरतिरती, एगे मायामोसे, एगे मिच्छादंसणसल्ले ।
[४९] एगे पाणाइवाय-वेरमणे, [एगे मुसावाय-वेरमणे एगे अदिन्नादाण-वेरमणे एगे मेहणवेरमणे एगे] परिग्गह-वेरमणे, एगे कोह-विवेगे, [एगे मान-विवेगे एगे माया-विवेगे एगे लोभ-विवेगे एगे पेज्ज-विवेगे एगे दोस-विवेगे एगे कलह-विवेगे एगे अब्भक्खाण-विवेगे एगे पेसुन्न-विवेगे एगे परपरिवायविवेगे एगे अरतिरति-विवेगे एगे मायामोस-विवेगे एगे] मिच्छादंसणसल्ल-विवेगे।
[५०] एगा ओसप्पिणी, एगा सुसम-स्समा, [एगा सुसमा एगा सुसम-दूसमा एगा दूसमसुसमा एगा दूसमा] एगा दूसम-दूसमा, एगा उस्सप्पिणी, एगा दुस्सम-दुस्समा, [एगा दुस्समा एगा दुस्सम- सुसमा एगा सुसम-दुस्समा एगा सुसमा एगा], स्सम-सुसमा ।
[मुनि दीपरत्नसागर संशोधित:]
[3]
[३-ठाण]