Book Title: Upadhyay Yashovijayji Swadhyay Granth
Author(s): Pradyumnavijay, Jayant Kothari, Kantilal B Shah
Publisher: Mahavir Jain Vidyalay
View full book text
________________
બન્ને પરિસંવાદોમાં રજૂ થયેલા તમામ નિબંધો અહીં સામેલ કરી શકાયા નથી. કેટલાક વિદ્વાનોએ પુનઃપુનઃ માગણી કરવા છતાં પોતાના નિબંધ લિખિત સ્વરૂપે મોકલ્યા જ નહીં કેટલાક નિબંધો અમને મળ્યા હોવા છતાં આ ગ્રંથને અનુરૂપ ન હોવાથી અમે અહીં સમાવી શક્યા નથી. તો વળી, એમ પણ બન્યું છે કે પરિસંવાદમાં નિબંધ રૂપે રજૂ ન થયા હોય તોપણ આ ગ્રંથ માટે ખાસ નિમંત્રણથી તૈયાર કરાવેલા નિબંધો અહીં સામેલ કર્યા છે. ઉપાધ્યાય યશવિજયજીની પ્રતિભાનાં વિવિધ પાસાંઓ અને એમના મુખ્યમુખ્ય ગ્રંથોને આવરી લઈ શકાય એ દૃષ્ટિકોણ આની પાછળ અમારો રહ્યો છે. શ્રી મુકુન્દ ભટ્ટનો ‘ગોડી પાર્શ્વનાથ સ્તોત્ર – એક સંક્ષિપ્ત રસદર્શન’ લેખ અને શ્રી કનુભાઈ જાનીનો “સમુદ્ર-વહાણ સંવાદ લેખ બન્ને કનોડા ખાતે યોજવામાં આવેલા સમારંભમાં વંચાયા હતા. તેમને અહીં સમાવી લેવાયા છે.
આગળ જણાવ્યા પ્રમાણે આ ગ્રંથમાં છાપતાં પહેલાં લેખો ચકાસાયા છે ને સંપાદિત પણ થયા છે. ક્યાંક થોડા મઠારાયા છે. ક્યાંક થોડો સંક્ષેપ પણ થયો છે – ખાસ કરીને ભૂમિકારૂપ સામાન્ય લખાણ કે જુદાજુદા લેખોમાં પુનરાવર્તિત થતી વાત છોડી દીધેલ છે તે પ્રસ્તાર જણાય ત્યાં લાઘવનો આશ્રય લીધો છે. લેખકોની ઉદાર સંમતિથી જ આ થઈ શક્યું છે. પણ એવું બન્યું છે કે લેખકોએ પોતાના લેખો અન્યત્ર છપાવ્યા હોય તો એનાથી અહીં સ્વરૂપ કેટલીક વાર થોડું બદલાયું છે. વાચકોને આ હકીકત લક્ષમાં રાખવા ખાસ વિનંતી છે.
પ્રસ્તુત સ્વાધ્યાય ગ્રંથમાં લેખોનો ક્રમ કંઈક આ રીતે રાખ્યો છે કે પહેલાં યશોવિજયજીનાં જીવન, વ્યક્તિત્વ, પ્રતિભા, કૌશલ્ય વિષયક લેખો, પછી અધ્યાત્મ, તત્ત્વદર્શન, ન્યાય, તર્ક, ભાષા, કાવ્યમીમાંસાને લગતા લેખો, તે પછી યશોવિજયજીની સર્જનાત્મક સંસ્કૃત રચનાઓ – સંસ્કૃત પત્ર વિશેના લેખો અને ત્યાર બાદ યશોવિજયજીની સર્જનાત્મક ગુજરાતી રચનાઓ – રાસ, સંવાદ, ચોવીસી, વશી, પદો – પરના લેખો.
આ અગાઉ પં.શ્રી પ્રદ્યુમ્નવિજયજીના પુસ્તક “યશોવન્દનામાં જયંત કોઠારી, કાન્તિભાઈ બી. શાહ અને રસિક મહેતાએ તૈયાર કરેલી યશોવિજયજીના પ્રકાશિત ગ્રન્થોની સૂચિ સમાવિષ્ટ કરાઈ હતી. એ સૂચિ કેટલીક શુદ્ધિ-વૃદ્ધિ સાથે આ સ્વાધ્યાય ગ્રંથમાં પણ સમાવી લીધી છે. યશોવિજયજીના પ્રકાશિત ગ્રન્થોની સૂચિ આપવા ઉપરાંત યશોવિજયજી વિશેનાં કેટલાંક મહત્ત્વનાં પુસ્તકો-લેખોની સૂચિ પણ આ ગ્રંથમાં અમે મૂકી છે. યશોવિજયજીના ગ્રન્થોની સૂચિની શુદ્ધિવૃદ્ધિનું તથા યશોવિજયજી વિશેની સાહિત્યસામગ્રીની સૂચિનું કામ સલોની જોશીએ કર આપ્યું છે. આ બંને સૂચિઓ ઉપાધ્યાય યશોવિજયજીના સાહિત્યનું અધ્યયન-સંશોધન કરવા માગતા અભ્યાસીઓને ઉપયોગી નીવડશે એવી અમને શ્રદ્ધા છે.
આવા મૂલ્યવાન ગ્રંથના પ્રકાશનની તત્પરતા દાખવવા માટે શ્રી મહાવીર જૈન
