Upadhyay Yashovijayji Swadhyay Granth

Author(s): Pradyumnavijay, Jayant Kothari, Kantilal B Shah
Publisher: Mahavir Jain Vidyalay

Page 9

८
યોજવાનું નક્કી થયું. આ પરિસંવાદનું સમગ્ર આયોજન જયંત કોઠારીને સોંપાયું. જયંતભાઈએ વિદ્વાનોને આમંત્રણ પાઠવીને પરિસંવાદ પૂર્વે બેત્રણ બેઠકો કરી અને નિબંધવાચન માટે સૂચિત વિષયોની ફાળવણી કરવામાં આવી. વિશ્વનંદિકર જૈન સંઘના સહયોગમાં શ્રી મહાવીર જૈન વિદ્યાલય (મુંબઈ)ના ઉપક્રમે ૧૨-૧૩ ડિસેમ્બર ૧૯૮૭ના બે દિવસોએ ઉપાધ્યાય યશોવિજય : વ્યક્તિત્વ અને વાડ્મય’ એ વિષય પર પં. શ્રી પ્રદ્યુમ્નવિજયજીની નિશ્રામાં પરિસંવાદ યોજાયો. એમાં ત્રીસેક જેટલા અભ્યાસપૂર્ણ નિબંધો રજૂ થયા. સર્વશ્રી મધુસૂદન ઢાંકીએ પરિસંવાદનું ઉદ્ઘાટન કર્યું અને સંચાલન જયંત કોઠારીએ સંભાળ્યું.
આ પરિસંવાદની વિશિષ્ટતા એ હતી કે એમાં નિબંધો ૨જૂ ક૨ના૨ મોટે ભાગે જૈનેતર વિદ્વાનો હતા. તેઓ ન્યાય, કાવ્યશાસ્ત્ર, વ્યાકરણ વગેરે શાસ્ત્રોના અધિકૃત વિદ્વાનો હતા, કૉલેજ કે યુનિવર્સિટીકક્ષાના પ્રાધ્યાપકો હતા. એમણે બારીક વિશ્લેષણપૂર્વક અને સઘન શાસ્ત્રીયતાથી યશોવિજયજીના વિવિધ ગ્રંથોના પોતાના અભ્યાસો રજૂ કર્યા અને યશોવિજયજીના વિદ્યાકાર્યની મહત્તા બરાબર પ્રમાણી. જૈન ઉપાશ્રયમાં વિદ્યાગોષ્ઠિનું એક એવું અપૂર્વ વાતાવરણ સર્જાયું કે એક વિદ્વાને પરિસંવાદને અંતે માર્મિક પ્રશ્ન કર્યો કે આ બે દિવસ આપણે કોઈ જૈન ઉપાશ્રયમાં બેઠા છીએ એવું ક્યારેય આપણને લાગ્યું ?
પરિસંવાદને અંતે સૌની એ લાગણી હતી કે ઉપાધ્યાય યશોવિજયજીની વિદ્વત્તાનાં કેટલાંક પાસાં અને ગ્રન્થો હજી વણસ્પર્માં રહી ગયાં છે. એટલે સૌના હર્ષોલ્લાસ વચ્ચે, મુંબઈથી પરિસંવાદમાં ઉપસ્થિત ડૉ. રમણલાલ ચી. શાહે આને આનુષંગિક બીજો પરિસંવાદ ટૂંક સમયમાં અનુકૂળ સ્થળે યોજવાની શ્રી મહાવી૨ જૈન વિદ્યાલય વતીથી જાહેરાત કરી.
૨૦મી માર્ચ ૧૯૮૮ના રોજ આ જ વિષય પર બીજો પરિસંવાદ શ્રી મહાવીર જૈન આરાધના કેન્દ્ર, કોબા ખાતે પં.શ્રી પ્રદ્યુમ્નવિજયજીની નિશ્રામાં યોજવામાં આવ્યો. ડૉ. દલસુખભાઈ માલવણિયાએ આ પરિસંવાદનું ઉદ્ઘાટન કર્યું અને ડાઁ. હરિવલ્લભ ભાયાણી જેવા વિદ્વત્વર્યે અસ્વસ્થ તબિયતે પણ ખાસ પધારી પરિસંવાદની ઉચિત ભૂમિકા બાંધી આપી. આ પરિસંવાદમાં કેવળ ગુજરાતમાંથી જ નહીં, છેક મુંબઈ, પૂના, બનારસથી પણ વિદ્વાનોએ ઉપસ્થિત રહી નિબંધવાચન કર્યું. આ પરિસંવાદનું પણ સમગ્ર આયોજન-સંચાલન જયંત કોઠારીએ કર્યું. પં.શ્રી પ્રદ્યુમ્નવિજયજી બન્ને પરિસંવાદોના યથાર્થ માર્ગદર્શક-પ્રેરક બની રહ્યા.
પરિસંવાદને અંતે સૌની એ લાગણી હતી કે પરિસંવાદ નિમિત્તે પરિશ્રમપૂર્વક તૈયાર થયેલા આ નિબંધો ગ્રંથસ્થ થવા જોઈએ. જયંત કોઠારીએ, પછીથી, વિદ્યાલય સમક્ષ આ માટેનો પ્રસ્તાવ મૂક્યો અને ૧૯૯૦માં વિદ્યાલયના મંત્રીઓએ આ પ્રસ્તાવનો સહર્ષ સ્વીકાર કર્યો. ઉપાધ્યાય યશોવિજય સ્વાધ્યાય ગ્રંથ'ના સંપાદનપ્રકાશનની જવાબદારી જયંત કોઠારી અને કાન્તિભાઈ બી. શાહ પર આવી.