________________
परिव्वायगवण्णणं ]
सुत्तागमे
परमहंसा बहुउदया कुडिव्वया कण्हपरिव्वायगा, तत्थ खलु इमे अट्ठ माहणपरिव्वायगा भवति, तंजहा - कण्हे य करकंडे य, अंबडे य परासरे । कण्हे दीवायणे चेव, देवगुत्ते य नारए॥१॥ तत्थ खलु इमे अट्ठ खत्तियपरिव्वायया भवंति, तंजहा - सीलई ससिहारे य,
गई भग्गई इ य | विदेहे रायाराया रायारामे वलेइ य ॥ १ ॥ ते णं परिव्वायगा रिउव्वेयजजुव्वेयसामवेयअहव्वणवेयइतिहासपंचमाणं णिग्घंदुछद्वाणं संगोवंगाणं सरहस्ताणं चण्हं वेयाणं सारगा पारगा धारगा वारगा सडंगवी सद्वितंतविसारया संखाणे सिक्खाकप्पे वागरणे छंदे णिरुत्ते जोइसामयणे अण्णेसु य वंभण्णएस य सत्थेसु सुपरिणिट्ठिया यावि हुत्था । ते णं परिव्वायगा दाणधम्मं च सोयधम्मं च तित्थाभिसेयं च आघवेमाणा पण्णवेमाणा पख्वेमाणा विहरंति, जण्णं अम्हे किंचि असुई भवइ तणं उदएण य मट्टियाए य पक्खालियं सुई भवइ, एवं खलु अम्हे चोखा चोक्खायारा सुई सुइसमायारा भवेत्ता अभिसेयजलपूयप्पाणो अविग्घेण सग्गं गमि - सामो, तेसि णं परिव्वायगाणं णो कप्पइ अगडं वा तलायं वा गई वा वाविं वा पुक्खरिणि वा दीहियं वा गुंजालियं वा सरं वा सागरं वा ओगाहित्तए, णण्णत्थ अद्धाणगमणे, णो कप्पइ सगडं वा जाव संदमाणियं वा दुरुहित्ता णं गच्छित्तए, तेसि णं परिव्वायगाणं णो कप्पइ आसं वा हत्थि वा उ वा गोणं वा महिसं वा खरं वा दुरुहित्ता णं गमित्तए, तेसि णं परिव्वायगाणं णो कप्पइ नडपेच्छा इ वा जाव मागहपेच्छा इ वा पेच्छित्तए, तेसिं परिव्वायगाणं णो कम्पइ हरियाणं लेसणया वा घट्टणया वा भणया वा लसणया वा उप्पाडणया वा करित्तए, तेसिं परिव्वायगाणं णो कम्मर इत्थिकहा इ वा भत्तकहा इ वा देसकहा इ वा रायकहा इ वा चोरकहा इ वा जणवयकहा इ वा अणत्थदंडं करित्तए, तेसि णं णो कप्पइ अयपायाणि वा तजयपाणि वा तंबपायाणि वा जसदपायाणि वा सीसगपायाणि वा रुप्पपायाणि वा सुवण्णपायाणि वा अण्णयराणि वा बहुमुल्लाणि धारित्तए, णण्णत्थ लाउपाएण वा दारुपाएण वा मटियापाएण वा, तेसि णं परिव्वायगाणं णो कप्पर अयवंधणाणि वा तउयबंधणाणि वा तंबबंधणाणि जाव बहुमुलाणि धारितए, तेसि णं परिव्वायगाणं गो कप्पर णाणाविहवण्णरागरत्तारं वत्थाई धारितए, णण्णत्थ एक्काए वाउरत्ताए तेसि णं परिव्वायगाणं णो कम्पइ हारं वा अद्धहारं वा एगावलिं वा मुत्तावलिं वा कणगावलिं वा रयणावलिं वा मुरविं वा कंठमुरविं वा पालंबं वा तिसरयं वा कत्तिं वा दसमुद्दियाणंतगं वा कडयाणि वा तुडियाणि वा अंगयाणि वा केऊराणि वा कुंडलाणि वा मउड वा चूलामणिं वा पिणद्धित्तए, गण्णत्थ एगेणं तंबिएणं यवित्तएणं, तेसि णं परिव्वायगाणं णो कप्पड़ गंथिमवेढिमपूरिमसंघाइमे चउव्विहे मल्ले
२७
