Sutrakritang Skandh 01

Author(s): Kantilal Kapadia
Publisher: Kantilal Kapadia

Page 141

११. एगारसमं अज्झयणं 'मग्गे'
४९७. कयरे मग्गे अक्खाते, माहणेण मतीमता । जं मग्गं उज्जु पावित्ता, ओहं तरति दुत्तरं ॥ १ ॥ ४९८. तं मग्गं अणुत्तरं सुद्धं, सव्वदुक्खविमोक्खणं । जाणासि णं जहा भिक्खू, तं णे बूहि महामुनी ॥२॥ ४९९. जड़ णे केइ पुच्छिज्जा, देवा अदुव माणुसा ।
सिं तु कतरं मग्गं, आइक्खेज्ज कहाहि णे ॥ ३ ॥
५००. जड़ वो केइ पुच्छिज्जा, देवा अदुव माणुसा । तेसिमं पडिसाहेज्जा, मग्गसारं सुणेह मे ॥४॥
५०१. अणुपुव्वेण महाघोरं, कासवेण पवेदियं । जमादाय इओ पुव्वं, समुद्दे व ववहारिणो ॥ ५ ॥
५०२. अतरिंसु तरंतेगे, तरिस्संति अणागता ।
तं सोच्चा पडिवक्खामि, जंतवो तं सुणेह मे ॥ ६ ॥ ५०३. पुढवीजीवा पुढो सत्ता, आउजीवा तहाऽगणी । वाउजीवा पुढो सत्ता, तण रुक्ख सबीयगा ॥७॥
५०४. अहावरा तसा पाणा, एवं छक्काय आहिया । इत्ताव ताव जीवकाए, नावरे विज्जती काए ॥ ८॥
५०५. सव्वाहिं अणुजुत्तीहिं, मतिमं पडिलेहिया । सव्वे अकंतदुक्खा य, अतो सव्वे न हिंसया ॥ ९ ॥
130