Sutrakritang Skandh 01

Author(s): Kantilal Kapadia
Publisher: Kantilal Kapadia

Page 157

५६६. जे माहणे जातिए खत्तिए वा, तह उग्गपुत्ते तह लेच्छती वा ।
जे पव्वइते परदत्तभोई, गोत्ते ण जे थब्भति माणबद्धे ॥१०॥ ५६७. ण तस्स जाती व कुलं व ताणं, णण्णत्थ विज्जा-चरणं सुचिण्णं ।
णिक्खम्म जे सेवतिऽगारिकम्मं, ण से पारए होति
__ विमोयणाए ॥११॥ ५६८. णिक्किंचणे भिक्खू सुलूहजीवी, जे गारवं होति सिलोयगामी।
आजीवमेयं तु अबुज्झमाणे, पुणो पुणो विप्परियासुवेति ॥१२॥
५६९. जे भासवं भिक्खु सुसाधुवादी, पडिहाणवं होति विसारए य ।
आगाढपण्णे सुविभावितप्पा, अण्णं जणं पण्णसा
परिभवेज्जा ॥१३॥ ५७०. एवंण से होति समाहिपत्ते, जे पण्णसा भिक्खु विउक्कसेज्जा ।
अहवा वि जे लाभमयावलित्ते, अण्णं जणं खिसति
बालपण्णे ॥१४॥
५७१. पण्णामयं चेव तवोमयं च, णिण्णामए गोयमयं च भिक्खू ।
आजीवगं चेव चउत्थमाहु, से पंडिते उत्तमपोग्गले से ॥१५॥
५७२. एताई मदाई विगिंच धीरे, ण ताणि सेवंति सुधीरधम्मा ।
ते सव्वगोत्तावगता महेसी, उच्चं अगोत्तं च गतिं वयंति ॥१६॥
५७३. भिक्खू मुयच्चा तह दिट्ठधम्मे, गामं च(व?)णगरं च(व?)
__अणुप्पविस्सा। से एसणं जाणमणेसणंच, अण्णस्स पाणस्स अणाणुगिद्धे ॥१७॥
146