________________
સ
.
મહારાજ સિદ્ધરાજે કલિકાલસર્વજ્ઞ ભગવંતના સર્વપક્ષીય આ ન્યાયને વધાવી લીધો અને તમામ વ્યાકરણોને એકઠાં કર્યા. મંત્રીઓ, નગરજનો, સાક્ષરો આદિ તમામ જનસમક્ષ વ્યાકરણો પાણીના કુંડમાં તરતાં મૂકાયાં. “સત્યમેવ વિનયતે” એ ન્યાયે નિર્દોષ, શુદ્ધ અને સાંગોપાંગ એક જ કલિકાલસર્વજ્ઞ ભગવંતનું જ વ્યાકરણ તર્યું અને બીજા બધાં વ્યાકરણ જળશરણ બની ગયા.
મંત્રીઓ સહિત મહારાજા સિદ્ધરાજ આદિ ગુણગ્રાહી સર્વજનના મુખમાંથી પ.પૂ. કલિકાલસર્વજ્ઞ ભગવંત પ્રત્યે જયજયારવ શબ્દો સરી
પડ્યા.
કસોટીના એરણ ઉપર ચઢેલા આ વ્યાકરણ ઉપર મહારાજા સિદ્ધરાજને અપાર બહુમાન થવાથી સુવર્ણાક્ષરે લખાવી ભવ્ય દબદબાભર્યો વરઘોડો ચડાવી બાદશાહી બહુમાન કરવામાં આવ્યું. મહારાજા સિદ્ધરાજ આ હેમચંદ્રાચાર્યની કૃતિને માથે મૂકીને બાળકની જેમ નાચ્યા અને પઠનપાઠનનો ફેલાવો પોતાના આખાય રાજ્યમાં વિસ્તારવા અનેક લહિયાઓ બેસાડી પ્રતો તૈયાર કરાવી ભારતનાં મુખ્ય-મુખ્ય નગરો અને ગામોમાં મોકલી. ગુજરાતનાં અને ભારતનાં હજારો મહાવિદ્યાલયોમાં અધ્યયનઅધ્યાપનનો આરંભ કરાવી દીધો.
તેમાં સિદ્ધરાજ અને પ.પૂ. હેમચંદ્રસૂરિજીનું નામ અંતર્ગત રીતે આવ્યું અને સુવર્ણપરે કસોટીમાંથી પાર ઉતરેલ હોવાથી આ વ્યાકરણનું નામ “સિદ્ધહેમચંદ્રશબ્દાનુશાસન” રાખવામાં આવ્યું છે.
પૂર્વાચાર્યોના આવા ગ્રન્થોને પ્રકાશમાં લાવવા તનતોડ મહેનત કરી પૂર્વાચાર્યોની આવી કૃતિઓને ન્યાય અપાવનાર પૂજ્યશ્રીઓની જેટલી અનુમોદના કરીએ તે સ્થાને છે.
પૂજ્ય સાધુ-સાધ્વીજી ભગવંતોએ આવા વ્યાકરણ ગ્રન્થોને પઠનપાઠનમાં લેવાનું રાખવા ખાસ અંતરની વિનંતી છે.
પૂ. મુનિ ભગવંતો અને અગ્રગણ્ય શ્રાવક વર્ગે આવા ગ્રન્થોના ફેલાવા માટે અપૂર્વ યોજના કરવી જરૂરી છે. પરીક્ષાઓ, તેને લગતાં ઇનામો વગેરેની તેમજ તેને લગતી વિદ્યાશાળાઓ - પાઠશાળાઓ વિગેરે ઊભા કરવા કે જે સ્થાનમાં રોજ રોજ અધ્યયન અધ્યાપન પૂર્ણરીતે જીવંત અને જાગૃત જોવા મળતાં આંતરિક ખૂબ ખૂબ આનંદ અનુભવાય.
-
