________________
વિજયરામચંદ્રસૂરિ સ્મૃતિમંદિર અંજનશલાકા
પ્રતિષ્ઠામહોત્સવ આમંત્રણ પત્રિકામાંથી ઉદ્ભૂત જૈન શાસનની સ્થાપના થાય છે શ્રુતથી, જૈન શાસન ચાલે છે તે પણ ઋતથી જ. અને
જ્યાં સુધી શ્રુતની વિદ્યમાનતા રહેશે ત્યાં સુધી જ શાસનની વિદ્યમાનતા રહેશે. શાસન સ્થાપવા-ચલાવવાની અપેક્ષાએ કેવળજ્ઞાન કરતાંય શ્રુત મહત્વનું છે. કેવળી કેવળજ્ઞાનથી જાણે બધું જ પણ એ જ્ઞાનનો બોધ અન્ય જીવોને આપવો હોય તો એ માટે શ્રુતનો સહારો અનિવાર્ય છે. જૈન શાસનના સાધુભગવંતોની આંખ શ્રત છે. શ્રુત ચક્ષુથી જોઈ જોઈને જ તેઓ ચાલે. જેણે શ્રુતનું અવલંબન લીધું તેણે જ વીતરાગનું અવલંબન લીધું છે અને વીતરાગને અવલંબનારને પદે પદે સંપદાઓ સાપડે એમાં કોઈ નવાઈ નથી. આ વિષમકાળમાં ભવ તરવાનાં જે બે મહા આલંબનો છે, તેમાં પહેલા નંબરે જિનબિંબને સ્થાન આપ્યા બાદ જ્ઞાનીઓ બીજો નંબરે જિનશ્રુતને જ સ્થાન આપે છે. પ્રભુ શ્રી તીર્થંકરદેવો દ્વારા ત્રિપદીરૂપે ગણધરોને અપાયેલ; અર્થ દ્વારા પર્ષદાને અપાયેલ, શ્રી ગણધરો દ્વારા સૂત્રરૂપે રચાયેલ અને આચાર્ય-ઉપાધ્યાયની જુગલ જોડી દ્વારા અખંડઅસ્મલિત-અવ્યાબાધપણે શ્રમણસંઘને વિતરીત કરાયેલ મૃતનો મહિમા ગાવા કોણ સમર્થ છે? ટુંકમાં કહેવું હોય તો શ્રુત જ પરમ આધાર છે. એ જ શ્વાસ છે, એ જ પ્રાણ છે. એ જ સર્વસ્વ છે. આવા શ્રુતના ઉદ્દગમની.. ગ્રહણની.. ધારણની.. અમલની.. વિકાસની.. અને કાળના પ્રભાવે થયેલા એના વિનાશની પણ સિલસિલાબંધ વાતો આપણે જાણશું... સાથોસાથ એ શ્રુતચિંતામણિના સંરક્ષણની શૌર્યભરી વાર્તાઓ પણ માણશું.. શ્રતમહાપૂજાના માધ્યમે ! આજ સુધી નહિ જોયેલ - નહિ સાંભળેલ એવી રોમાંચક આ મહાપૂજા હશે. અનેક જીવંત રચનાઓ, રંગોળીઓ, માંડણીઓ, સજ્જાઓ અને સજાવટોના માધ્યમથી પ્રભુશ્રી મહાવીરદેવના ઋતવારસાને આપના ચર્મચક્ષુ સમક્ષ સાકાર કરવામાં આવશે. એને જોવા જાણવા માટે કલાકો લાગશે અને માણવા માટે તો મહિનાઓ ઓછા પડશે. આપણા મહાન પૂર્વપુરુષોએ આપણા પર કેવો મહાન ઉપકાર કર્યો છે અને આપણી ભાવી પેઢી કાજે આપણે શું શું કરવું જોઈએ? એનું નક્કર જ્ઞાન મેળવવા માટે લાખો રૂપિયાના ખર્ચે, મહિનાઓની મહેનત પછી હજારો કાર્યકરોના સહિયારા પુરુષાર્થે સજાવવામાં આવેલ, શ્રતમહાપૂજાના અર્ચક બનજો... સાચા ભાવથી શ્રુતસેવા કરશું અને જરૂર શ્રતના સ્વામી અવશ્ય બનશું.
શ્રુત મહાપૂજા
