Shrimad Rajchandra Vishayak Patra Vyavahar

Author(s): Yugbhushansuri, Kaivalyajitvijay
Publisher: Gitarth Ganga

Page 5

‘શ્રીમદ્ રાજચંદ્ર’ વિષયક પત્રવ્યવહાર
વાંચીને... આગળ વધશો...
3
વાત છે મુંબઈની... પ.પૂ. આચાર્યદેવેશ શ્રીમદ્વિજય યુગભૂષણસૂરીશ્વરજી મ.સા.ની નિશ્રામાં ભાંડુપ મુકામે સેંકડો આરાધકો ઉપધાનતપની આરાધના કરી રહ્યા હતા. એક દિવસ ઢળતી સાંજે ત્રણ-ચાર શ્રાવકો હાથમાં એક પત્ર અને પુસ્તક લઈને ગુરુદેવ સમક્ષ ઉપસ્થિત થયા. પત્ર અને પુસ્તક ‘શ્રીમદ્ રાજચંદ્ર સાધના કેન્દ્ર' (કુકુમા-ભુજ-કચ્છ)થી મોકલાવેલ હતા. ગુરુદેવના પ્રવચનોની ‘પ્રશ્નોત્તરી’ પુસ્તક અંતર્ગત શ્રીમદ્ રાજચંદ્ર વિશેના લખાણ સામે પત્રમાં વાંધો ઉઠાવેલ હતો. તે સંબંધી પ્રશ્નો પણ પૂછાવેલ હતા. જેના લેખિત ઉત્તરો સાધના કેન્દ્રને અપેક્ષિત હતા.
તેઓના ગયા બાદ પૂજ્ય ગુરુદેવે પ્રસ્તુત પત્રનો જવાબ લખવો વગેરે પત્રવ્યવહારનું કામ મને સોંપ્યું. સાથે પ્રસ્તુત પત્રમાં કઈ રીતે જવાબ લખવો તેની સમજ આપી. પત્રમાં રજૂ કરેલી વાતને મજબૂત કરતાં આધારભૂત સંદર્ભો મૂકવાની ભલામણ પણ કરી. ગુરુદેવના સૂચન અનુસાર જવાબ તૈયાર કર્યો, વંચાવ્યો, ગુરુદેવે સૂચવેલા સુધારા-વધારા કરી સંમાર્જિત પત્ર સાધના કેન્દ્રને મોકલાવ્યો. થોડા વખત પછી સાધના કેન્દ્ર તરફથી વળતો પત્ર આવ્યો. જે અમારા માટે આશ્ચર્યજનક હતો. શ્રીમદ્દ્ના અનુયાયીઓ હંમેશ માટે - અમે ગચ્છ-મત સંપ્રદાયના આગ્રહોથી મુક્ત છીએ. સર્વજ્ઞના મૂળ માર્ગને અનુસરનારા છીએ. સત્પુરુષોના વચનોને કાયમ માટે સ્વીકારનારા છીએ - એવો દાવો કરતા હોય છે, છતાં તેનાથી ઠીક વિરુદ્ધ તે પત્રનું કથન હતું.
વાસ્તવમાં, તેઓએ પ્રશ્નો તો પૂછતા પૂછી લીધા હતા પરંતુ તેના યોગ્ય પણ જવાબો તેમણે મંજૂર થાય તેમ ન હતા. જો તેઓ અમારા આપેલા જવાબને સ્વીકારે તો વર્ષો સુધી તેઓએ જે બાબતને અંતિમ સત્ય તરીકે ચૂંટી હતી તેની ફેરવિચારણા કરવી પડે, તેનું ફરીથી સંશોધન કરવું પડે તેમ હતું. શ્રીમદ્ભુના જે પાસાથી તેઓ અજાણ હતા તે તેમની સામે સચોટ પૂરાવા સાથે રજૂ થયેલ હતું. તેઓ પાસે લખેલા જવાબનો સ્વીકાર કરવાની પ્રામાણિક વૃત્તિ કે સરળતા ન હતી સાથે યોગ્ય પ્રત્યુત્તર કે બચાવ કરવાની સક્ષમતા ન હતી. એટલે જ વળતા પત્રમાં તેઓએ લખ્યું કે તમે શ્રીમદ્દ્ન શાસ્ત્રની તુલા ઉપર તોળો છે, જ્યારે અમે શ્રદ્ધાથી તેઓને ગ્રહણ કરીને છીએ’ અર્થાત્ કે સર્વજ્ઞના આગમો-શાસ્ત્રો સાથે ભલે શ્રીમદ્ની વાતને મેળ ન ખાતો હોય તો પણ અમે વ્યક્તિ અને પક્ષના આગ્રહથી બદ્ધ હોવાના કારણે વર્ષોથી જે પકડ્યું તેને ક્યારેય છોડવાના નથી. અમને ગમે તેટલું સાચું-સારું, તર્કસંગત, યુક્તિયુક્ત સમજાવો પણ તે બધું અમારા માટે નકામું છે. આવો પત્રનો સૂચિતાર્થ હતો.
આ દ્વિતીય પત્રની હાસ્યાસ્પદ ચેષ્ટા તો એ હતી કે, તે પત્રમાં તેઓએ બીજા પ્રશ્નો પૂછાવ્યા હતા, સાથે તે પ્રશ્નોના જવાબ ન લખતા એવી ભારપૂર્વક ભલામણ પણ તેમાં જ કરી હતી. હવે