Parsuram Kalpasutra Part 01

Author(s): A Mahadev Shastri
Publisher: Central Library

Page 349

३२५
दशमः खण्ड:-सर्वसाधारणक्रमः - तादृशदुर्जनेषु नि ग्रहः । यथा तन्नाशः स्यात् तथा वर्तितव्यम् । लौकिकेन गौकिकेन व्यापारण तस्य निरासः कार्यः इति भावः ॥ ५८ ॥
एवमुदासीनेषु विरोधाभाव परिपन्थिषु निग्रहं प्रदर्श्य भक्तिभूमिकामारुरुक्षुणां __ऽऽदिना सम्यक् श्रितानां प्रसादं संपादितवतामुपरि किं कार्यमित्याशङ्कायामाह
अनुग्रहः संश्रितेषु ॥ ५९ ॥ संश्रिते षु चिरकालं प्रसादितेषु तेषु अनु ग्रहः, विद्याप्रदानादिना तेषां रथपूरणं कर्तव्यमिति शेषः ॥ ५९ ॥ एवं गुरोधर्मानुक्त्वा प्राप्तविद्येन शिष्येण कथं वर्तितव्यं इति तं प्रकारमाह
गुरुवत् गुरुपुत्रकळत्रादिषु वृत्तिः ॥ ६० ॥ आ दि पदेन गुरुपूज्यानां ग्रहणम् । अत्र यद्यपि गुरुवृत्तिः तत्कळत्रादिष्वतिगुरुवृत्तिश्च नोक्ता, तथाऽपि अतिदेशेनैव ज्ञापितो गुरुधर्मः तन्त्रान्तरोक्तोनुमत इति । गुरौ यथा वर्तितव्यं तत्प्रकारः कुलार्णवादिषु---
एकग्रामे क्रोशदूरे चार्धयोजनके स्थितः । गुरोस्त्रिसन्ध्यैकसन्ध्ये पञ्चपर्वसु दर्शनम् ॥ एकयोजनमारभ्य योजनद्वादशावधि । तत्तद्योजनसङ्ख्याकैः मासैः स्यात् गुरुदर्शनम् ॥ अतिदूरे नमेच्छिष्यस्तद्दिशाऽभिमुखो गुरुम् । रिक्तहस्तो नैव चिरात् पश्येदेवं गुरुं स्वकम् ॥ गुरौ मनुष्यबुद्धिं च मन्त्रे चाक्षरबुद्धिताम् । न कुर्याद्यन्त्रमूर्त्यादौ शिलाबुद्धयादिकं तथा ॥ गुरुं पश्येत् सदा भक्त्या साक्षाच्छिवमयं बुधः । शिवे रुष्टे गुरुस्त्राता गुरौ रुष्टे न कश्चन ।। ऋणदानं तथाऽऽदानं तथैव क्रयविक्रये । न कुर्यात् गुरुभिः सार्धं तदाज्ञां नैव लवयेत् ॥