Parsuram Kalpasutra Part 01

Author(s): A Mahadev Shastri
Publisher: Central Library

Page 386

.
परशुरामकल्पसूत्रम् . शुद्धयादिचर्वणोन्मिश्रं पूर्वसङ्ख्याऽनुरोधतः । .. मयूराण्डमितो ग्रासः सङ्ख्यया तदपः पिबेत् ॥ पश्चात् जलं पिबेत् देवि जपेन्मूलशतत्रयम् । . रात्रौ स्थण्डिलशायी च ब्रह्मचर्ययुतः सदा ॥ पूजाऽन्ते भोजयेत् पश्चात् यथाविभवमम्बिके । एवं त्रिरात्रं निवर्त्य चतुर्थे पूजयेत् गुरुम् ।। यथाशक्ति ततो देवि तदाज्ञावशतः शिवे । व्रतं निवेदयेत् देव्यै ब्राह्मणान् भोजयेत् ततः ॥ य एवमाचरेत् देवि तस्य पापक्षयो भवेत् ।।
इति तन्त्रान्तरोक्तं महासान्तपनं व्रतम् ।। ६७ ॥
नित्यपूजोक्तान्येव प्रायश्चित्तानि स्थलान्तरे अतिदिशति---दीक्षा ऽऽदि प्वप्ये व मे वे ति । आदि पदेन नैमित्तिककाम्यपूजापरिग्रहः । दीपोप घा ते दीपनाशे पुनर्म ण्ड ल मा चरेत् इति । यथा पूर्व मण्डलं द्वारपूजाऽऽदिना देशपरिचितिं कृत्वा देवयजनभूमिं संपाद्य यागः संपादितः, तथा तत्समाप्तौ तथैव दीपोपघातनिमित्तं पुनर्मण्डलपूजां करिष्ये इति संकल्प्य मण्डलोद्वासनान्तं पुनर्यजेत् । श्रौते कर्मण्यपि परिश्रयणादेरिदमेव फलं श्रुतं अर्थवादे “परिश्रयत्यन्तर्हितो हि देवलोको मनुष्यलोकात्" इत्यादिना । अत्रापि द्वारपूजनमेव परिश्रयणं मण्डलकरणम् । यद्वा ---मण्डललक्षणमुक्तं योगिनीतन्त्रे---
कुमार्या वटुकेनापि सुवासिन्या द्वयेन च । पञ्चसामयिकैश्चैव युक्तं मण्डलमुच्यते । एतन्न्यूनं तु देवेशि केवलं पूजनं स्मृतम् ॥ इति ।
ईदृशगुणविशिष्टं वा पूजनं मण्डलमाचरेदित्यनेन ग्राह्यम् । दीपघातेऽपि कश्चन विशेषो बृहद्वामकेश्वरतन्त्रे