Jain Satyaprakash 1938 03 SrNo 32

Author(s): Jaindharm Satyaprakash Samiti - Ahmedabad
Publisher: Jaindharm Satyaprakash Samiti Ahmedabad

Page 4

[२७८]
શ્રી જન સત્ય પ્રકાશ
[१५३
णिक्खेवचउक्केणं, तेसिं णेओ समुज्जलो भावो ।। अरिहत्तिणामअरिहा, ठवणा अरिहंतपडिमाओ ॥ १० ॥ संजायभाविभावे, निबंधणं तं सुयं सुए दवियं ॥ जेहिं अरिहंतत्तं, लद्धं लब्भं च ते दव्वा ॥ ११ ॥ भावसमोसरणत्थे, णासियदोसट्ठपाडिहेरजुए ॥ अइसयगुणगणकलिये, भावरिहंते पणिवयामि ॥१२॥ पुव्वतइयभवगहणे, नरभावे वीसठाणविहिजोगा ॥ चियजिणनामपहाणे, अरिहंते थुणमि बहुमाणा ॥ १३ ॥ चरमभवे निवइकुले, समागए सुविणसूइए कुसले ॥ दिसिकुमरीअमरिंद-त्थुए नमसामि अरिहंते ॥१४॥ अइसयचउक्ककलिए, जम्मखणा नाणतितयसंजुत्ते ॥ सिट्ठायारे जुब्वण-समए पणमामि अरिहंते ॥ १५ ॥ वियरणतोसियभविए, साहियचरणे विलद्धमणनाणे ॥ अपमायसम्मनिलए, वंदे वरजोगअरिहंते ॥ १६ ॥ अडवण्णपमुहपगई, जेसिं बंधे विसुद्धलेसाओ ॥ अडतीससयस तहा, सत्ता णे जिणवरे वंदे ॥ १७ ॥ सुहझाणालंबणए, वीरियसंपत्तखवगसेढीए ॥ वंदे ते य अपुव्वे, कयठिइघायाइपणगविही ॥ १८ ॥ णासियवीसइपगइ-नवमे दशमे ‘विणट्ठलोहबले ।। गयमोहे छउमत्थे, दव्वरिहते पणिवयामि ॥ १९ ॥ खीणमोहंतिमसमए, गयघाइतिगे सुनिच्छयाऊया । तेरसमे ववहारा, झाणंतरिए महानाणी ॥ २० ॥ जिणनामोदयणंदी, समोसरणसोहिए य चउरूवे ॥ सरलोवएसदाई, वयणाइसयाइगुणसहिए ॥ २१ ॥ कम्मखए रुद्दमिओ, अइसयपयरो पसोहए जेसिं ॥ सुरविहिया गुणवीसा-इसया ता जिणवरे वंदे ॥ २२ ॥ अइसयगुणवित्थारो, समवायंगे विरायए जेसिं ॥ वरवयणगुणवियासो, णा अरिहंते सरेमि सया ॥ २३ ॥ वसुहाए विहरते, सुरकोडीसेविए जहण्णावि ॥ धम्मकहिसत्थवाहे, वंदे वीरे महागोवे ॥ २४ ॥
(अपूर्ण)