________________
ગણિત કોયડા
(૧૫૧)
ખોટી નોટ એક શરાફ બગીચામાં ફરવા ગયો. ત્યાં તેને ૧૦ રૂપિયાની એક નોટ જડી. તેણે પોતાની ડાયરીમાં તેનો નંબર નોંધીને પોતાની પત્નીને ઘેર મૂકવા આપી. તેની પત્નીને યાદ આવ્યું કે આજે દૂધવાળાને રૂ. ૧૦ આપવાના છે, એટલે તે નોટ દૂધવાળાને આપી. દૂધવાળાએ તેનો ઉપયોગ એક ખેડૂત પાસેથી ગાય ખરીદવામાં કર્યો. તે ખેડૂતે પોતાના લેણદાર વેપારીને તે નોટ આપી અને તે વેપારીએ સુથારને આપી. સુથારને તે દિવસે શરાફને ત્યાં પૈસા ભરવાના હોવાથી પેલા શિરાફને ત્યાં જ ભરી. હવે શરાફે ઝીણવટથી જોયું તો તે નોટ ખોટી નીકળી. ત્યારે આ બધી વાતમાં કોની શું સ્થિતિ રહે? અને કોણ શું ગુમાવે ?
(૧૫૨)
કેટલી ગાડીઓ મળે? ઝમકુમાએ સુરતના સ્ટેશન પર ગાર્ડને પૂછ્યું કે અહીથી મુંબઈ પહોંચતાં કેટલો સમય લાગશે?” ગાર્ડે કહ્યું : “પાંચ કલાક.” ડોસીએ તે સાંભળીને બીજો પ્રશ્ન પૂછ્યો અને રસ્તામાં કેટલી ગાડીઓ મળશે ?” ગાર્ડ આ વિચિત્ર પ્રશ્ન સાંભળીને જરા ખચકાયો, પણ હાજરજવાબી હોવાથી તેણે એવો ઉત્તર આપ્યો કે “સુરતથી મુંબઈ અને મુંબઈથી સુરત એકીસાથે ગાડી ઊપડે છે ને ત્યાર પછી દર એક કલાક ને પાંચ મિનિટે બીજી ગાડી ઊપડે છે. સમજ્યાં ?”
Jain Educationa International
For Personal and Private Use Only
www.jainelibrary.org
