Atmanand Prakash Pustak 063 Ank 05 06

Author(s): Jain Atmanand Sabha Bhavnagar
Publisher: Jain Atmanand Sabha Bhavnagar

Page 7

શેઠશ્રી પોપટલાલ નરોત્તમદાસ શાહ
ટૂંકું જીવનચરિત્ર શેઠશ્રી પોપટલાલભાઈનો જન્મ ભાવનગર શહેરમાં સં. ૧૯૫૯ ના શ્રાવણ સુદી પાંચમ ના રોજ થયો હતો. તેમના પિતાશ્રી સ્વ નરોત્તમદાસ ભગવાનદાસ શાહ એક આદર્શ માનવધમ પરાયણ, સૌજન્ય અને સેવાના પરમ ઉપાસક હતા. આજે શ્રી. પિપટલાલભાઈ પણ એમના પૂજ્ય પિતાશ્રીએ ચીધેલા આદર્શ અને ઉચ્ચ ધ્યેયને નજરમાં રાખીને સેવા અને સ્વાર્પણને એક સુંદર આદેશ પૂરો પાડી રહ્યા છે.
શેઠશ્રી પોપટલાલભાઈએ માત્ર અઢાર વર્ષની કિશોર વયમાં જ પૂર્વ પુણ્યોદયથી વ્યાપારમાં ઝંપલાવ્યું. અપૂર્વ ખંત, સાહસ, અને ધીરજથી વ્યાપારી ક્ષેત્રે આગળ વધી કીર્તિ અને લક્ષમી સંપાદન કર્યા. રંગ, રસાયણ, પારો, પસ્તી વગેરે જુદાજુદા વ્યાપારી ક્ષેત્રોમાં ઘૂમ્યા. વ્યાપારી ચાવીઓ હસ્તગત કરતા ગયા અને માનવતાભરી કેડી પર કૂચ કરતાં કરતાં વ્યાપારમાં આગળ વધતા ગયા. પરિણામે આજે તેઓ એક સાહસિક અને બાહોશ વેપારી તરીકે સારી નામના પ્રાપ્ત કરી શકયા છે. તેઓશ્રી આજે “ઈડે કેમિકલસ” અને “સ્ટાન્ડર્ડ સેઇલસ એજન્સી” જેવી ધરખમ કંપનીઓના માલિક છે. “બીડલ સોયર’ જેવી યુરોપિયન દવાએની મહાન ફાર્માસ્યુટિકલ કંપનીના ભારત ખાતેના મેનેજીંગ ડાયરેકટર છે. તેઓશ્રીએ અનેકવાર વિદેશોનો પ્રવાસ ખેડ છે. પરદેશથી જુદી જુદી ચીજે આયાત કરવાનો તેમનો અનુભવ ખૂબ જ વિશાળ છે. અને આજે તેઓશ્રી એક બાહોશ નિકાસ કરનારા ગણાય છે. વ્યાપારી ક્ષેત્રમાં ખૂબ સાહસિક છે. અને તેઓશ્રીએ ઘણાંઘણાં સાહસો પણ કર્યા છે.
શેઠશ્રી પિપટલાલભાઈનું વાંચન વિશાળ છે. દુનિયાના અગત્યના ગણાય એવા ઘણું પ્રશ્નોના સારા એવા અભ્યાસી પણ છે. છતાં નિરાડંબરી જીવન જીવે છે. સદ્દગુણ, નીતિમત્તા, ધર્મભક્તિ અને સેવાને ભૂલ્યા નથી. કેળવણી પ્રત્યે એમનું હૈયું સદા ધબકયું છે. અને સમાજ અને ધર્મનાં સત્કાર્યો માટે સદાય ખડે પગે ઉભા રહીને સહકાર આપ્યો છે. કેળવણી વિના માનવતા નહિ” એ સૂત્રને તેઓશ્રીએ અપનાવ્યું છે. આ રીતે તેઓશ્રી આદર્શવાદી, ભાવનાવાદી સિદ્ધાંતવાદી છે અને લાગણી, મમતા અને સ્નેહના અણમોલ પ્રતીક સમા છે.
તેમનાં ધર્મપત્ની શ્રીમતી સરસ્વતીબેન ભાવનગરના પ્રખ્યાત કાપડિયા કુટુંબના શેઠ નેમચંદ ગીરધરલાલ આણંદજીના સુપુત્રી હતા. તેમના તથા તેમના સુપુત્ર શ્રી પ્રવિણચંદ્રભાઈના એગ્ય સહકારથી શ્રી. પોપટલાલભાઈએ ધાર્મિક અનેક શુભ કાર્યોમાં પોતે મેળવેલ લક્ષ્મીને સદ્વ્યય કર્યો છે.
આવા એક સજજન શેઠશ્રી પોપટલાલભાઈએ જેન સાહિત્યના પ્રકાશનના અમારા કાર્યમાં સભાના પેટન થઈ જે રસ દાખવ્યો છે, તે માટે અમે તેમને આભાર માનીએ છીએ. સમાજના ઉત્કર્ષ અર્થે અને ધર્મભક્તિ તથા આત્મકલ્યાણ અર્થે તેઓશ્રી હજી પણ વિશેષ લક્ષમીને સદ્વ્યય કરતા રહે અને દીર્ધાયુષ્ય ભેગવી વિશેષ યશભાગી થાય તેવી શુભેચ્છાઓ અમે પાઠવીએ છીએ.