Book Title: Agam 26 Prakirnak 03 Maha Pratyakhyan Sutra Author(s): Punyavijay, Suresh Sisodiya, Sagarmal Jain Publisher: Agam Ahimsa Samta Evam Prakrit SamsthanPage 77
________________ महापच्चक्लाणपइण्णयं नत्थि किर सो पएसो लोए वालग्गकोडिमित्तो वि। संसारे संसरंतो जत्थ न जाओ मओ वा वि ॥ ३९ ॥ चुलसीई किल लोए' जोणीणं पमुहसयसहस्साई। एक्केक्कम्मि य एत्तो अणंतखुत्तो समुप्पन्नो ॥ ४०॥ (पंडियमरणपरूवणा) उड्ढमहे तिरियम्मि य मयाइं बहुयाई बालमरणाई। तो ताइ संभरंतो पंडियमरणं मरीहामि ।। ४१ ॥ माया मि त्ति पिया मे भाया भगिणी य पुत्त धीया य । एयाई संभरंतो पंडियमरणं मरीहामि ।। ४२॥ माया-पिइ-बंधूहि संसारत्थेहिं पूरिओ लोगो। बहुजोणिवासिएणं न य ते ताणं च सरणं च ।। ४३ ॥ . एक्को करेइ कम्मं एक्को अणुहवइ दुक्कयविवागं । एक्को संसरइ जिओ जर-मरण-चउग्गईगुविलं ॥ ४४ ॥ "उव्वेयणयं जम्मण-मरणं नरएसु वेयणाओ वा । एयाइं संभरंतो पंडियमरणं मरीहामि ॥ ४५ ॥ "उव्वेयणयं जम्मण-मरणं तिरिएसु वेयणाओ वा। एयाइं संभरंतो पंडियमरणं मरीहामि ॥ ४६ ॥ "उव्वयणयं जम्मण-मरणं मणुएसु वेयणाओ वा। एयाइं संभरंतो पंडियमरणं मरीहामि ॥४७॥ "उन्वेयणयं जम्मण-मरणं चवणं च देवलोगाओ। एयाइं संभरंतो पंडियमरणं मरीहामि ॥ ४८॥ एक्कं पंडियमरणं छिदइ जाईसयाई बहुयाई। तं मरणं मरियव्वं जेण मओ सुम्मओ होइ ॥ ४९ ॥ कइया णु तं सुमरणं पंडियमरणं जिणेहिं पन्नत्तं । सुद्धो उद्धियसल्लो पाओवगओ मरीहामि ? ॥५०॥ १. °ए जोणीपमुहाइ सय सा०। २. मियाई पु०। ३. धूया पु० सा० । ४. °एहिं न पु० सा० । ५. °म्वेवण० सं०। Jain Education International For Private & Personal Use Only www.jainelibrary.org.Page Navigation
1 ... 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115
