Book Title: Agam 26 Prakirnak 03 Maha Pratyakhyan Sutra Author(s): Punyavijay, Suresh Sisodiya, Sagarmal Jain Publisher: Agam Ahimsa Samta Evam Prakrit SamsthanPage 89
________________ २४ महापच्चक्खाणपइण्णय जाहे होइ पमत्तो जिणवरवयणरहिओ अणाउत्तो। ताहे इंदियचोरा करिति तव-संजमविलोमं ।। ९८॥ ( संवरमाहप्पं ) जिणवयणमणुगयमई जं वेलं होइ संवरपविट्ठो । अग्गी व वाउसहिओ समूलडालं डहइ कम्मं ।। ९९ ॥ जह डहइ वाउसहिओ अग्गी रुक्खे वि हरियवणसंडे । तह पुरिसकारसहिओ नाणी कम्मं खयं णेई ॥१०॥ (नाणपाहण्णपरूवणा) जं अन्नाणी कम्म खवेइ बहयाहि वासकोडीहिं। तं नाणी तिहिं गुत्तो खवेइ ऊसासमित्तेणं ॥१०॥ न हु मरणम्मि उवग्गे सक्का बारसविहो सुयक्खंधो। सव्वो अणुचिंतेउं धंतं पि समत्थचित्तेणं ।।१०२॥ एक्कम्मि वि जम्मि पए संवेगं कुणइ वीयरायमए । तं तस्स होइ नाणं जेण विरागत्तणमुवेइ ॥१०३॥ एक्कम्मि वि जम्मि पए संवेगं कुणइ वीयरायमए। सो तेण मोहजालं छिदइ अज्झप्पयोगेणं ॥१०४॥ एक्कम्मि वि जम्मि पए संवेगं कुणइ वीयरायमए । वच्चइ नरो अभिक्खं तं मरणं तेण मरियव्वं ।।१०५॥ जेण विरागो जायइ तं तं सव्वायरेण कायव्वं । मुच्चइ हु ससंवेगी, अणंतओ होअसंवेगो ॥१०६।। १. धणियं पि सा०॥ Jain Education International For Private & Personal Use Only www.jainelibrary.orgPage Navigation
1 ... 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115
