Agam 26 Prakirnak 03 Maha Pratyakhyan Sutra

Author(s): Punyavijay, Suresh Sisodiya, Sagarmal Jain
Publisher: Agam Ahimsa Samta Evam Prakrit Samsthan

Page 93

महापच्चक्लाणपइण्वयं
मम मंगलमरिहंता सिद्धा साह सुयं च धम्मो य । तेसिं सरणोवगओ सावज्जं वोसिरामि ति ॥११४॥ अरहंता मंगलं मज्झ, अरहंता मज्झ देवया। अरहते कित्तइत्ताणं वोसिरामि त्ति पावगं ॥११५॥ सिद्धा य मंगलं मज्झ, सिद्धा य मज्झ देवया । सिद्धे य कित्तइत्ताणं वोसिरामि ति पावगं ॥११६॥ आयरिया मंगलं मज्झ, आयरिया मज्झ देवया । आयरिए कित्तइत्ताणं वोसिरामि ति पावगं ॥११७।। उज्झाया मंगलं मज्झ, उज्झाया मजा देवया। उज्झाए कित्तइत्ताणं वोसिरामि ति पावगं ॥११८॥ साहु य मंगलं मज्झ, साहू य मज्झ देवया । साहू य कित्तइत्ताणं वोसिरामि त्ति पावगं ॥११९।। सिद्ध उवसंपण्णो अरहते केवलि त्ति भावेणं । एत्तो एगयरेण वि पएण आराहओ होइ ।।१२०॥
( वेयणाहियासणोवएसो) समुइण्णवेयणो पुण समणो हियएण किं पि चिंतिज्जा। आलंबणाई काई काऊण मुणी दुहं सहइ ? ॥१२१॥ वेयणासु उइन्नासु किं मे सत्तं निवेयए। किंचाऽऽलंबणं किच्चा तं दुक्खमहियासए ।।१२२।। अणुत्तरेसु नरएसु वेयणाओ अणुत्तरा। पमाए वट्टमाणेणं मए पत्ता अणंतसो ॥१२३॥ मए कयं इमं कम्मं समासज्ज अबोहियं । पोराणगं इमं कम्मं मए पत्तं अणंतसो ॥१२४॥ ताहिं दुक्खविवागाहिं 'उवचिण्णाहिं तहिं तहिं । न य जीवो अजीवो उ कयपुव्वो उ चिंतए ।।१२५।।
१. ओचिण्णा' सं०।