Agam 18 Upang 07 Jambudveep Pragnapti Sutra Stahanakvasi

Author(s): Madhukarmuni, Chhaganlal Shastri, Shobhachad Bharilla
Publisher: Agam Prakashan Samiti

Page 420

सप्तम वक्षस्कार ]
[ ३५७
पण्णत्ते ?
गोयमा ! चोआलीसं जोअण- सहस्साइं अट्ठ य वीसे जोअण-तए अबाहाए सव्वब्धंतरे चन्द - मण्डले पण्णत्ते ।
जम्बुद्दीवे २ मन्दरस्स पव्वयस्स केवइआए अबाहाए अब्धंतराणन्तरे चन्द-मण्डले पण्णत्ते ? गोयमा ! चोआलीसं जोअण- सहस्साइं अट्ठय छप्पणे जोअण-सए पणवीसं च एगसट्टिभाए जोअणस्स एगसद्विभागं च सत्तहा छेत्ता चत्तारि चुण्णिआभाए अबाहाए अब्भंतराणन्तरे चन्दमण्डले पण्णत्ते ।
जम्बुद्दीवे दीवे मन्दरस्स पव्वयस्स केवइआए अबाहाए अब्भंतरतच्चे मण्डले पण्णत्ते ? गोयमा ! चोआलीसं जोअण- सहस्साइं अट्ठ य वाणउए जोअण-सए एगावणं च एगसट्टिभाए जोअणस्स एगसद्विभागं च सत्तहा छेत्ता एगं चुण्णिआभागं अबाहाए अब्यंतरतच्चे मण्डले पण्णत्ते ।
एवं खलु एएणं उवाएणं णिक्खममाणे चंदे तयाणंतराओ मण्डलाओ तयाणन्तरं मण्डलं संकममाणे २ छत्तीसं छत्तीसं जोअणाई पणवीसं च एगसट्टिभाए जोअणस्स एगसट्टिभागं च सत्तहा छेत्ता चत्तारि चुण्णिआभाए एगमेगे मण्डले अबाहाए वुद्धिं अभिवद्धेमाणे २ सव्वबाहिरं मण्डलं उवसंकमित्ता चारं चरइ ।
जम्बुद्दीवे दीवे मन्दरस्स पव्वयस्स केवइआए अबाहाए सव्वबाहिरे चंद- मण्डले पण्णत्ते ? पणयालीसं जोअण- सहस्साइं तिण्णि अ तीसे जोअण-सए अबाहाए सव्वबाहिरए चंद
मण्डले पण्णत्ते ।
जम्बुद्दीवे दीवे मन्दरस्स पव्वयस्स केवइआए अबाहाए बाहिराणन्तरे चंद-मण्डले पण्णत्ते?
गोयमा ! पणयालीसं जोअण- सहस्साइं दोण्णि अ तेणउए जोअण-सए पणतीसं च एसट्टिभाए जोअणस्स एगसद्विभागं च सत्तहा छेत्ता तिण्णि चुण्णिआभाए अबाहाए बाहिराणन्तरे चंदमण्डले पण्णत्ते ।
जम्बुद्दीवे दीवे मन्दरस्स पव्वयस्स केवइआए अबाहाए बाहिरतच्चे चंदमण्डले पण्णत्ते ? गोयमा ! पणयालीसं जोअण- सहस्साइं दोण्णि अ सत्तावण्णे जोअण-सए णव य एगसट्टिभाए जोअणस्स एगसट्टिभागं च सत्तहा छेता छ चुण्णिआभाए अबाहाए बाहिरतच्चे चंदमण्डले पण्णत्ते ।
एवं खलु एएणं उवाएणं पविसमाणे चंदे तयाणन्तराओ मण्डलाओ तयाणन्तरं मण्डलं संकममाणे २ छत्तीसं २ जोअणाई पणवीसं च एगसट्टिभाए जोअणस्स एगसद्विभागं च सत्तहा छेत्ता चत्तारि चुण्णिआभाए एगमेगे मण्डले अबाहाए वुद्धिं णिव्वुद्धेमाणे २ सव्वब्धंतरं मण्डलं उवसंकमित्ता चारं चरइ ।