Agam 18 Upang 07 Jambudveep Pragnapti Sutra Stahanakvasi

Author(s): Madhukarmuni, Chhaganlal Shastri, Shobhachad Bharilla
Publisher: Agam Prakashan Samiti

Page 431

३६८ ]
[जम्बूद्वीपप्रज्ञप्तिसूत्र
होता है। संवत्सर-भेद
१८४. कति णं भंते ! संवच्छरा पण्णत्ता?
गोयमा ! पंच संवच्छरा पण्णत्ता,तं जहा-णक्खत्तसंवच्छरे, जुगसंवच्छरे, पमाणसंवच्छरे, लक्खणसंवच्छरे,सणिच्छरसंवच्छरे।
णक्खत्तसंवच्छरा णं भंते ! कइविहे पण्णत्ते ?
गोयमा ! दुवालसविहे पण्णत्ते, तं जहा-सावणे, भद्दवए, आसोए (कत्तिए, मियसिरे, पोसे, माहे, फग्गुणे, चइत्ते, वेसाहे, जेडे,) आसाढे।जंवा विहप्फई महग्गहे दुवालसेहिं संवच्छरेहिं सव्वणक्खत्तमंडलं समाणेइ, सेत्तं णक्खत्तसंवच्छरे।
जुगसंवच्छरे णं भंते ! कतिविहे पण्णत्ते? गोयमा ! पंचविहे पण्णत्ते तं जहा-चंदे, चंदे, अभिवद्धिए, चंदे, अभिवद्धिए चेवेति। पढमस्स णं भंते चन्द-संवच्छरस्स कइ पव्वा पण्णत्ता ?
गोयमा चोव्वीसं पव्वा पण्णत्ता।
बितिअस्स णं भंते ! चंद-संवच्छरस्स कइ पव्वा पण्णत्ता? गोयमा ! चउव्वीसं पव्या पण्णत्ता। एवं पुच्छा ततिअस्स। गोयमा ! छव्वीसं पव्वा पण्णत्ता।
चउत्थस्स चन्द-संवच्छरस्स चोव्वीसं पव्वा, पंचमस्स णंअहिवद्धिअस्स छव्वीसं पव्वा य पण्णत्ता। एवामेव सपुव्वावरेणं पंचम-संवच्छरिए जुए एगे चउव्वीसे पव्वसए पण्णत्ते। सेत्तं जुगसंवच्छरे।
पमाणसंवच्छरे णं भंते ! कतिविहे पण्णते?
गोयमा ! पंचविहे पण्णत्ते, तं जहा-णक्खत्ते, चन्दे, उऊ, आइच्चे, अभिवद्धिए, सेत्तं पमाणसंवच्छरे इति।
लक्खणसंवच्छरे णं भंते ! कतिविहे पण्णत्ते ? गोयमा ! पंचविहे पण्णत्ते, तं जहा
समयं नक्खत्ता जोगं, जोअंति, समयं उउं परिणामंति। णच्चुण्ह णाइसीओ, बहूदओ होइ णक्खत्ते॥१॥ ससि समग-पुण्णमासिं, जोएंति विसमचारि-णक्खत्ता। कडुओ बहूदओ आ, तमाहु संवच्छरं चन्दं॥२॥