Agam 15 Upang 04 Pragnapana Sutra Shwetambar Agam Guna Manjusha

Author(s): Gunsagarsuri
Publisher: Jina Goyam Guna Sarvoday Trust Mumbai

Page 12

KGRO
(१५) पण्णवणा (चउत्थं उवंगसुतं) पद (पय) १-३६
[१]
सिरि उसहदेव सामिस्स णमो । सिरि गोडी जिराउला सव्वोदयपासणाहाणं णमो | नमोत्थुणं समणस्स भगवओ महइमहावीर वद्धमाणसामिस्स । सिरि गोयम - सोहम्माइ सव्व गणहराणं णमो । सिरि सुगुरु- देवाणं णमो । 55 पण्णसणासुत्तं 555 १. पढमं पणवणापदं ॐ नमो वीतरागाय । सुत्तं १. मंगलं अभिधेयं च नमो अरिहंताणं । नमो सिद्धाणं । नमो आयरियाणं । नमो उवज्झायाणं । नमो लोए सव्व साहूणं । १. ववगयजर मरणभए सिद्धे अभिवंदिऊण तिविहेणं । वंदामि जिणवरिंदं तेलोक्कगुरुं महावीरं ||१|| सुयरयणनिहाणं जिणवरेण भवियजणणिव्वुइकरेण । उवदंसिया भयवया पण्णवणा सव्वभावाण ||२|| वायगवरवंसाओ तेवीसइमेण धीरपुरिसेण । दुद्धरधरेण मुणिणा पुव्वसुयसमिद्धबुद्धी ||१|| सुयसागरा विणेऊण जेण सुयरयणमुत्तमं दिन्नं । सीसगणस्स भगवओ तस्स नमो अज्जसामस्स ||२|| [ पक्खित्तं गाहाजुयलयं] अज्झयणमिणं चित्तं सुरयणं दिट्टिवाणीसंदं । जह वण्णिय भगवया अहमवि तह वण्णइस्सामि ॥ ३॥ [ सुत्ताई २ ३, छत्तीसपयनामाणि पण्णवणोवक्कमो य ] २. पण्णवणा १ ठाणाई २ बहुवत्तव्वं ३ ठिई ४ विसेसा य ५ । वक्कंती ६ उस्सासो ७ सण्णा ८ जोणी य ९ चरिमाई १० || ४ || भासा ११ सरीर १२ परिणाम १३ कसाए १४ इंदि १५ पओगे य १६ । लेसा १७ कायठिई या १८ सम्मत्ते १९ अंतकिरिया य २० ||५|| ओगाहणसंठाणे २१ किरिया २२ कम्मे त्ति यावरे २३ । कम्मस्स बंधए २४ कम्मवेद २५ वेदस्स बंधए २६ वेयवेयए २७ || ६ || आहारे २८ उवओगे २९ पासणया ३० सण्णि ३१ संजमे ३२ चेव । ओही ३३ पवियारण ३४ वेयणा य ३५ तत्तो समुग्धाए ३६ ॥७॥ ३. से किं तं पण्णवणा ? पण्णवणा दुविहा पन्नत्ता । तं जहा जीवपण्णवणा य १ अजीवपण्णवणाय २ । [सुत्ताई ४ - १३. अजीवपण्णवणा] ४. से किं तं अजीवपण्णवणा ? अजीवपण्णवणा दुविहा पण्णत्ता । तं जहा रूविअजीवपण्णवणा य १ अरूविअजीवपण्णवणाय २ । [सुत्तं ५. अरूविअजीवपण्णवणा] ५. से किं तं अरूविअजीवपण्णवणा ? अरूविअजीवपण्णवणा दसविहा पन्नत्ता । तं जहा धम्मत्थिकाए १ धम्मत्थिकायस्स देसे २ धम्मत्थिकायस्स पदेसा ३, अधम्मत्थिकाए ४ अधम्मत्थिकायस्स देसे ५ अधम्मत्थिकायस्स पदेसा ६, आगासत्थिकाए ७ आगासत्थिकायस्स देसे ८ आगासत्थिकायस्स पदेसा ९ अद्धासमए १० । से त्तं अरूविअजीवपण्णवणा । [सुत्ताई ६-१३. रूविअजीवपण्णवणा] ६. से किं तं रूविअजीवपण्णवणा ? रूविअजीवपण्णवणा चउव्विहा पण्णत्ता । तं जहा - खंधा १ खंधदेसा २ खंधप्पएसा ३ परमाणुपोग्गला ४ । ७. ते समासतो पंचविहा पण्णत्ता । तं जहा वण्णपरिणया १ गंधपरिणया २ रसपरिणया ३ फासपरिणया ४ संठाणपरिणया ५। ८. १ जे वण्णपरिणया ते पंचविहा पण्णत्ता । तं जहा-काल-वण्णपरिणया १ नीलवण्णपरिणया २ लोहियवण्णपरिणया ३ हाद्दिवण्णपरिणया ४ सुक्किलवण्णपरिणया ५ । २ जे गंधपरिणता ते दुविहा पन्नत्ता । तं जहा - सुब्भिगंधपरिणता य १ दुब्भिगंधपरिणता य २ । ३ जे रसपरिणता ते पंचविहा पन्नत्ता । तं जहा - तित्तरसपरिणता १ कडुयरसपरिणता २ कसायरसपरिणता ३ अंबिलरसपरिणता ४ महुररसपरिणता ५ । ४ जे फासपरिणता ते अट्ठविहा पण्णत्ता । तं जहा कक्खडफासपरिणता १मउयफासपरिणता २ गरुयफासपरिणता ३ लहुयफासपरिणता ४ सीयफासपरिणता ५ उसिणफासपरिणता ६ निद्धफासपरिणता ७ लुक्खसफासपरिणता ८ । ५ जे संठाणपरिणता ते पंचविहा पण्णत्ता । तं जहा- परिमंडल - संठाणपरिणता १
ठाणपरिणता २ तंससंठाणपरिणता ३ चउरंससंठाणपरिणता ४ आयतसंठाणपरिणता ५ । २५।९ १ जे वण्णओ कालवण्णपरिणता ते गंधओ सुब्भिगंधपरिणता विदुभिगंध परिणता वि, रसओ तित्तरसपरिणता वि कडुयरसपरिणता वि कसायरसपरिणता वि अंबिलरसपरिणता वि महुररसपरिणता वि, फासओ कक्खडफासपरिणता वि मउयफासपरिणता वि गरुयफासपरिणता वि लहुयफासपरिणता वि सीयफासपरिणता वि उसिणफासपरिणता वि निद्धफासपरिणता वि लुक्खफासपरिणता वि, संठाणओ परिमंडलसंठाणपरिणता वि वट्टसंठाणपरिणता वि तंससंठाणपरिणता वि चउरंससंठाणपरिणता वि आयतसंठाणपरिणता वि २० । २ जे वण्णओ नीलवण्णपरिणता ते गंधओ सुब्भिगंधपरिणता वि दुब्भिगंधपरिणता वि, रसओ तित्तरसपरिणता वि कडुयरसपरिणता वि कसायरसपरिणता
सौन्य :- शाह छन्नीयरींग झुं गांधीधाम- मेरा 3. (४२)
MOK श्री आगमगुणमंजूषा - ९३६ 5