Vimalprabha Tika Part 02

Author(s): Samdhong Rinpoche, Vajravallabh Dwivedi, S S Bahulkar
Publisher: Kendriya Uccha Tibbati Shiksha Samsthan

Page 196

5 10 पटले, 29-35 श्लो.] उत्पत्तिक्रमेण कायनिष्पत्तिमहोद्देशः श्रीश्वेता चन्द्रलेखा शशधरवदना हंसवर्णा धृतिश्च पद्मेशा तारनेत्रा विमलशशधरा चेशपद्मे सचिह्नाः / तद्वाह्ये सूर्यपद्मे दनुकचलयमाः पावकः षण्मुखश्च यक्षः शक्रोऽब्धिवक्त्रः पशुपतिरुदधिः श्रीगणेन्द्रश्च विष्णुः // 33 // ततो लक्ष्म्याः पूर्वपत्रादौ श्रीश्वेता, चन्द्रलेखा, शशधरवदना, हंसवर्णा, धृतिः, पोशा, तारनेत्रा, विमलशशधरा ईशपद्मे सचिह्ना इति चतुःषष्टियोगिन्यश्चचि[263a]कादीनां पद्मदलेषु वाङ्मण्डले नायिका इति वेदनाङ्गे तृष्णाङ्गेऽपि सर्वकायवज्रनिष्पत्तिः। 'ललाटाद् गुह्य कमलान्तं कायनिष्पत्तौ वेदितव्यं चतुरस्रम् / तत्र यानि हस्तपादेषु द्वादश, सन्धौ द्वादशकमलानि। कर्मचक्रे क्रियाचक्रे। अष्टाविंशद्दलानि नाडी देवतामूर्त्या उत्सर्जयेद् अष्टमे मासे / तद्वाह्ये सूर्यपद्म इति / तस्य बाह्ये कायमण्डले द्वादशपद्धेषु पूर्वद्वारस्य सव्यभागादौ प्राकारभित्तौ खगर्भादिवद् नैऋत्यादयो यथासंख्यमुच्यन्ते। दनुक इति नैऋत्यः। पूर्वद्वारसव्ये 'चल इति वायुराग्नेय्याम् / यम इति दक्षिणद्वारवामे / सव्ये पावकः। नैऋत्ये षण्मुखः। पश्चिमद्वारवामे यक्षः। सव्ये शक्रः / वायव्ये ब्रह्मा। उत्तरद्वारवामे रुद्रः। दक्षिणे समुद्रः / ईशाने गणपतिः। पूर्वद्वारवामे विष्णुरिति सर्वे चतुर्भुजाः॥ 33 // खङ्गः कर्ती द्रुमेन्द्रः सुरतरुकुसुमं दण्डखङ्गश्च शक्तिदंण्ड: शक्तिश्च कुन्तो मणिरपि च गदा वज्रमेवाग्निबाणः / सूची चाप्यक्षसूत्रं भवति करतले शूलबाणं च पाशो रत्नं पशुश्च वज्रं भवति हरिकरे चक्रदण्ड श्च सव्ये // 34 // एषां द्वादशानां यथाक्रमेण सव्यहस्तद्वये चिह्नानि भवन्ति / नैऋत्यस्य प्रथमे खड्गः, द्वितीये की। वायोः प्रथमे द्रुमेन्द्रः कल्पवृक्षः, द्वितीये पारिजातकपुष्पम् / यमस्य प्रथमे दण्डः, द्वितीये खगः। वैश्वानरस्य प्रथमे शक्तिः, द्वितीये दण्डः / षण्मुखस्य प्रथमे शक्तिः, द्वितीये कुन्तः / धनदस्य प्रथमे मणिरत्नम्, द्वितीये गदा। इन्द्रस्य प्रथमे वज्रम्, द्वितीयेऽग्निबाणः। ब्रह्मणः प्रथमे सूची, द्वितीयेऽक्षसत्रम् / रुद्रस्य प्रथमे त्रिशूलम, द्वितीये बाणः। वरुणस्य प्रथमे पाशः, द्वितीये रत्नम् / विनायकस्य प्रथमे पशुः, द्वितीये वज्रम् / विष्णोः प्रथमे चक्र, द्वितीये गदेति // 34 // [263b] वामे खेटे कपालं त्वसितमणिरपि युत्पलं शृङ्खला च पाशाऽब्जं कुण्डिका वे भवति नरपते वामहस्ते क्रमेण / 1. ख. ललाटाङ्गष्ठकमलान्तं / 2. क. कलान्तं / 3. भो. 'चतुरस्र' नास्ति / 4. क. ख. 'तत्र' नास्ति / 5. क.ख. च. स्कन्धौ / ६.क. ख. बल / 22